Dark Mode
  • Tuesday, 29 November 2022
Karyera nədir?

Karyera nədir?

Karyera nədir?

Karyera – insanın hər hansı bir sahədə inkişaf edərək bir pozisiyadan digərinə çatma prosesidir. Karyera çalışaraq hər hansı bir vəzifədə müəyyən pilləyə qalxmaq,dərəcə qazanmaq və daha peşəkar səviyyəyə nail olmaqdır. Bu sözün özü fransızca carrière sözündən yaranıb, mənası bir yerə çıxan, bir yerə gələn deməkdir.

Karyera sahibi olmaq

Peşə və karyera eyni termin kimi görünsə də fərqlidir. Bizim bir peşəmiz ola bilər, məsələn, müəllim, həkim, polis, hüquqşünas… Ancaq bu o demək deyil ki, bizi karyeramız var.

 Bəs bizi karyeraçı edən nədir?

Peşə sahibi olmaq, çox pul qazanmaq  bizi karyera sahibi etmir. Karyera sahibi olmaq üçün öz peşənizdə bir hədəf seçməli, çalışaraq özünüzü inkişaf etdirərək olduğunuz yerdən daha yaxşı bir nöqtəyə gəlməlisiniz. Bir işçi illərlə eyni maaşda, eyni pozisiyada qalırsa, bu onun karyeraya sahib olmadlğını göstərir. Çalışmadan, özünü inkişaf etdirmədən  başqa yollarla nail olunan yüksəlişi də karyerə aid etmək olmaz.

Karyera yolu öyrənməyi, özünü inkişaf etdirməyi və risk almağı sevənlərin yoludur. Hansı ki, bu yolda yüksəliş olduğu kimi, enişlər, uğursuzluqlar da vardır.

İnsanları karyeraçı olmağa vadar edən nələrdlir?

Karyera sahibi olmaq

– daha yaxşı bir həyat arzusu
– daha yaxşısını bacarmaq və özünü sübut etmək istəyi
– hazırki pozisiyada özlərini yetərsiz və əksik hiss etmək
– daha çox hörmət görmək, sevilmək arzusu
– digər insanlarla özünü müqayisə etmək
– kollektiv daxilində olan rəqabət

Təcrübə özünü göstərir ki, ancaq paxıllıqdan və rəqabətdən doğan karyera uğurları insanları çox xoşbəxt etmir. İnsanlara xoşbəxtlik bəxş edən, məhz sevdiklər peşə və sahədə nail olduqları karyera uğurlarıdır.

Uğurlu karyera sahibi olan insanların ortaq cəhətləri:
– Özlərinə yatırım edərlər
– Hər gün dünənkindən daha yaxşı olmaq üçün çalışarlar
– Yenilikləri hər zaman sevərlər
– Başqalarına da karyera yolunda yardım edərlər
– Çox pul qazanmaq üçün deyil, həyatda yaxşı iz qoymaq üçün çalışarlar

Karyera sahibi olmaq üçün nə etməli?


1. Öncə özünüzü tanıyın!
Nəyi etmək sizi xoşbəxt edir? Hansı karyera yolu sizə görədir?  Hansı sahədə özünüzü daha uğurlu görürsünüz?
Daha peşəkar və təcrübəli olanlardan  məsləhət alın. Ancaq yenə də son qərarı özünüz verin.
Unutmayın:  Başqasının seçdiyi yolda əldə edilən nəticə uğur deyildir. Əsas uğur öz yolunu tapmaqdır.

2.  Bir hədəfiniz olsun!

Nə istədiyinizi bildikdən sonra hədəfləri müəyyənləşdərib karyera planlaşdırması etməlisiniz.

Çünki, məqsədi olmayan, hara getmək istədiklərini bilməyən insanlar müəyyən mənada yerində durmağa davam edirlər. Çalışın hədəfləriniz sizə aid olsun.  

Xəyal etməkdən qorxma. Çünki o arzuları bir gün yaşamağınız mümkündür. Qarşınıza çıxan fürsətləri xəyallarınızla birləşdirin. Əgər özünüzə məqsəd qoysanız, bu məqsəd üçün gördüyünüz işdən yorulmazsınız.

3.  Mükəmməlliyi hədəfləməyin!
Hələ 20 yaşınız varsa, ən yaxşı haqlı olmağı gözləməyin. uzaqda. Yolunuzda uzun proseslər var və bu proseslərdə bəzən yıxılacaqsınız, yorulacaqsınız və bəlkə də təslim olacaqsınız. Mükəmməlliyi hədəfləsəniz, bu düşmələr sizi tez ruhdan salacaq. Burada əsas məqsədiniz “öyrənmək” olmalıdır. Öyrənmək sonsuz bir prosesdir. Hər səhv bir təcrübədir. Qarşınıza çıxan əngəl lər isə bir fürsət ola bilər.Öyrəndiyiniz hər şey sizin karyeranızda sizin üçün bir +  olacaq və unutmayın ki, bu məlumata nə vaxt ehtiyacınız olacağını heç vaxt bilmirsiniz. Odur ki, öyrənib yola davam edin.

4. Örnək aldığınız insanlar olsun.
Özünüzə örnək hesab etdiyiniz insanları araşdırın. O insanlar bu pozisiyaya  çatana qədər nələrdən keçib, hansı çətinliklərlə üzləşib, nə vaxtsa ruhdan düşüb, özünə inamını itiribmi? Öyrəndikləriiz sizi daha yaxşı motivasiya edəcək. Unutmaq olmaz ki, uğur hekayələrinin çoxu uğursuzluqdan yaranır. Doğulanda heç kim uğur qazanmır.

5.  Üsyan etməyin!
Karyeranızın ilk illərində istədiyiniz pozisiyadan uzaq ola bilərsiniz və ya haqq etdiyinizdən az pul qazana bilərsiniz.  Bu normaldır, çünki karyera qazanmaq asan olsa idi hər kəs edərdi. Hər kəs etsəydi adi olardı. Siz yenə də öyrənərək özünüzə yatırım edin, dünənkindən daha yaxşı olun.

Sonda onu qeyd edək ki, karyera sahibi olmaq həyatın məqsədi deyildir, sadəcə daha yaxşı bir həyat üçün vasitədir. Eynən pul kimi..

Comment / Reply From