Dark Mode
  • Tuesday, 19 March 2024
GreenCard Nədir? Necə Müraciət Etmək Olar? Qəbul Şərtləri Nələrdir?

GreenCard Nədir? Necə Müraciət Etmək Olar? Qəbul Şərtləri Nələrdir?

Green Card ABŞ-ın xarici vətəndaşlara ömürlük və müddətsiz verdiyi daimi vətəndaşlıq vəsiqəsidir. Greencard aldıqdan sonra qanuni şəkildə ABŞ-da yaşamaq, işləmək, oxumaq və daimi vizasız rejimdə girib çıxmaq hüququ əldə edirsiniz. Greencard sahibi, Amerika vətəndaşı ilə eyni hüquqlara malikdir.

Green Card proqramı 1990-cı ildə ABŞ Dövlət Departamenti tərəfindən hazırlanıb və əsas məqsədi ABŞ-da immiqrantların müxtəlifliyini artırmaq, eyni zamanda çatışmayan işçi qüvvəsini digər ölkələrin vətəndaşları hesabına aradan qaldırmaqdır. Hər il müraciət edənlərin içərisindən 50.000 şəxs qalib olur və onlar ABŞ-da leqal formada köçə bilirlər. Proqramda seçimlər komputer vasitəsilə təsadüfi fomada aparılır və qalib gəlmək üçün xüsusi kriteriyalar yoxdur.

Necə müraciət etmək olar?

"Green Card" viza lotereyasına müraciət etmək üçün orta məktəbi bitirmək kifayətdir. Özünüzlə bağlı məlumatları daxil etməklə lotoreyaya müraciət ünvanlamaq mümkündür. Proqramda iştirak etmək üçün online müraciət formasını  yalnız rəsmi https://dvprogram.state.gov  saytında doldurub göndərməyiniz  lazımdır. Müraciət etmək üçün ingilis dili bilmək tələb olunmur. Greencard ücün lazımı şəkil 600x600 , 240kb-dan böyük olmamaq şərti ilə, ağ fonda, fotoşopsuz, son 6 ayın şəkli olmalıdır.

Qəbul Şərtləri Nədən İbarətdir?

1.Təhsil və İş Təcrübəsi

Green Card-ı əldə etmək üçün heç olmasa orta məktəb məzunu olmalısınız. Əgər orta məktəbi bitirməmisinizsə son 5 il ərzində hər hansı bir işdə ən az 2 il çalışdığınızı təsdiqləyən arayışınız olmalıdır.

2. Yaş Məhdudiyyəti

Təhsil və iş təcrübənizlə bərabər Green Cardı almaq üçün 18 yaşdan yuxarı olmalısınız.

3. Uyğun Ölkələr

Sonuncu və digər bir şərt isə Green Card-a müraciət üçün uyğun olan ölkələrdən birində doğulmalısınız. Azərbaycan isə həmin ölkələr siyahısındadır.

 

GreenCard Nədir? Necə Müraciət Etmək Olar? Qəbul Şərtləri Nələrdir?

Green Card üçün müraciət ödənişsiz olaraq online şəkildə aparılır və əsasən payızda Oktyabr ayında başlayır. Müraciət üçün sadəcə rəsmi sayta daxil olub dvprogram.state.gov ərizə formasını doldurmağınız kifayətdir. Müraciət ərizəsinə birdə şəklinizi əlavə etməyiniz tələb olunur. Müraciət edərkən sizə verilən “Confirmation Number” ilə rəsmi saytdan nəticələri öyrənə bilərsiniz. Nəticələr isə may ayında açıqlanır.
1.Green Card qazanan şəxslər ABŞ-da hansı işlərdə çalışa bilərlər?
ABŞ vətəndaşları ilə eyni hüquqa malik olduqlarından dolayı dövlət təhlükəsizlik orqanları istisna olmaqla istənilən bir işdə çalışa bilərlər. 2.Green Cardı aktiv saxlamaq üçün ABŞ-da nə qədər yaşamalıyam?
Kartın aktiv qalması üçün ölkəyə 6 aydan bir giriş-çıxış etməlisiniz.
3.Green Cardı qazanmağın ABŞ-da təhsil üçün nə kimi faydaları var?
Siz Green Cardı qazanmaqla əgər təhsil göstəriciləriniz yaxşıdırsaç tam təqaüd əldə edə və tamamilə pulsuz şəkildə Amerikada təhsil ala bilərsiniz. Təqaüd ala bilmədiyiniz təqdirdə isə ABŞ dövlətindən təhsiliniz üçün kredit götürə bilərsiniz.

Comment / Reply From

Comments

  • Image
    Ramin 1 year ago

    İştirak edən hər kəsə Amerikada yaşamağı arzu edirəm!