Dark Mode
  • Tuesday, 29 November 2022
Apple iPhone 14 Pro və iPhone 13 Pro – ilk real müqayisə

Apple iPhone 14 Pro və iPhone 13 Pro – ilk real müqayisə

Hal-hazırda bütün Apple həvəskarları yeni Apple iPhone 14 Pro və digər modellərinin təqdimatına hazırlaşır. Ortaya çıxan yeni prototip müqayisəsi isə cihazlarda ciddi bir dəyişiklik olmayacağını göstərir. Gözlənilən ən ciddi yenilənmə ekran çərtiyinin qismən yoxa çıxması idi. Ötən həftə paylaşılan iPhone 14 Pro modelinə aid olduğu iddia edilən prototip görüntüləri bütün bu yenilikləri sübut edib.

Apple iPhone 14 pro modelinin dizaynı: “köhnə hamam, köhnəs tas”

Görüntülərə baxdıqda görə bilərik ki, yeni iPhone 14 seriyasındadizayn baxımından dəyişiklik almayıb. Yeni model düz kənarlara malik olacaq və üçlü kamera parametrlərinə malik olacaq (üç kamera və LiDAR sensor). Lakin kamera modulu iPhone 13 Pro ilə müqayisədə biraz böyüyəcək. Prototip üzərindən görüldüyü qədərilə kameranın qalınlığı xeyli artacaq. Smartfonun özü iPhone 13 Pro ilə müqayisədə xeyli qalın olacaq.

 

Apple iPhone 14 Pro və iPhone 13 Pro – ilk real müqayisə

Keçək indi ön tərəfdə olan dəyişikliklərə. Təxmin edildiyi kimi iPhone 14 Pro modeli klassik ekran çərtiyi almayacaq. Həmən ekran çərtiyi əvəzinə ön kamera üçün kiçik dəlik və yanında Face ID sensorlarının yer aldığı elliptik formalı “kapsul” quraşdırılacaq. Yeni Apple məhsullarında dizayn baxımından bizi gözləyən əsas dəyişiklikləri prototip nümunəsi nümayiş etdirir.

Apple iPhone 14 Pro və iPhone 13 Pro – ilk real müqayisə

Qeyd edək ki, bu prototipin doğru olub-olmadığından əmin deyilik. iPhone 14 Pro prototipi işlək olmayıb, “kukla” dediyimiz ölçülərin əyani olaraq göstərildiyi aksesuar və avadanlıq hazırlanması üçün nəzərdə tutulan variantıdır. Prototipi paylaşan şəxsin videosunu aşağıdan izləyə bilərsiniz.

Məlum olan texniki göstəricilər və təqdimat tarixi
Apple şirkətinin yeni iPhone 14 xəttində 4 model olmalıdır. Üst versiyalar olacaq iPhone 14 Pro və 14 Pro Max modelləri yeni nəsil ekran alacaqlar. Bu ekranlar isə 1Hz-dən 120 Hz-ə qədər adaptiv yeniləmə tezliyini dəstəkləyəcəklər. Həmçinin Always on Display funksiyası da mövcud olacaq. Cihazlara isə yeni Apple A16 Bionic çipseti quraşdırılacaq. Kameralar isə təbii ki, hər olduğu kimi daha da təkmilləşdiriləcək. Hətta prototip həqiqəti əks etdirirsə, böyüyən obyektivlər də bunu təsdiqləyir.

İddialara görə yeni Apple modellərinin top versiyalarının qiyməti ötən il ilə müqayisədə $100 artacaq: 1099$ – iPhone 14 Pro və 1199$ – iPhone 14 Pro Max.

Daha sadə iPhone 14 (6,1 düym ekran) və iPhone 14 Max (6,7 düym ekran) modellərində isə ciddi dəyişikliklər gözlənilmir. Qiymətləri isə 799$ və 899$-dan başlayacaq. İddialara görə Apple şirkətinin təqdimatı 13 Sentyabr tarixində keçiriləcək. Satışlar isə 23 Sentyabr tarixində başlayacaq. Həmçinin Apple Watch Series 8 təqdimatı da gözlənilir. Hətta qeyd edilənə görə, Apple firması iPhone 14 seriyasının təqdimat tədbirinin çəkilişlərinə də artıq başlayıb. Keçiriləcək təqdimat onlayn yox, əvvəlcədən çəkilmiş videodan ibarət olacaq.

Comment / Reply From