edit.az
Namaz vaxtları...
    

" Şövkətin xeyli zamandır oxudulmur valı da " qəzəli

Yerleşdirdi: *_*M_O_N_I_K_A*_*(27.03.2013 / 18:48)
Oxunmuş: 1837 | | Like: 0

Qaralıb sanki evin, ay ata, sənsiz alı da,
Qaralıb sanki böyük evdə döşənmiş xalı da.

Köhnə radyomuz həmən pəncərədə, toz basmış,
Şövkətin xeyli zamandır oxudulmur valı da.

Yerli-yersiz özümüzdən çıxırıq son vaxtlar,
Çoxalıbdır bu evin söhbəti, qiylü qalı da.

Elə bil ki, bu evin bəxtinə it asqırmış,
Gərçi çoxdandı qoyulmur o itin heç yalı da.

Köhlənin indi təsəvvür belə etməzsən ki,
Yəhəri bir yana, üstündə deyil heç halı da.

Kimsənin ağlına gəlmir ki, çıxarsın atsın,
Daha biryol qapı üstündən asılmış nalı da.

Bir işə yatmır o vaxtdan əlimiz, sən yoxsan,
Yox olub çil toyuğun taxçadan hətta falı da.

Ağlamaqdan nənəmin gözləri görmür artıq,
Gözə dəymir yeri gəlmişkən heç əlvan şalı da.

Daha da ərköyün olmuş balaca Əhmədimiz,
Alçanın dəymişi heç, yerlə bir olmuş kalı da.

Məni görcək yaşarıb gözləri səbr arzulayır,
Bu elin gənci də, ağbirçəyi, ağsaqqalı da.

Anam əvvəlki həvəslə qazan asmır artıq,
Elə bil ki, bu evin zəqquma dönmüş balı da.

Danışıb təxirə saldıq toyun Aysel bacımın
Düz bir il məhlədə səslənməyəcək vağzalı da.

Sındırır sonbeşiyin gündə salıb qab-qacağı
Elə bil sənlə gedibdir bu qızın ehmalı da.

Səni vallah bu qədər istədiyin bilmirdim,
Qurumur heç anamın qirbişin əl dəsmalı da.

Çox düşübdür anası Yasinin, Allah, deyəsən
Belə gər getsə müsibətlərinin var dalı da.

Ads
loading...
Fikirler:
Kitabxana »
" Aləmdə sənin tək gözəl afət ola bilməz " qəzəli
" Yazdı təbiət dəyişib köynəyin " qəzəli
" Gecənin " qəzəli
" Qədrin bil " qəzəli
" Günüm pis keçmir " qəzəli
" Hər gülşənin Allah güli-rənasını versin " qəzəli
" Yolun azmışlara eşqin çıraq olsun düzələr " qəzəli
" Ömür at üstə gedir mən piyadə dərd ilə " qəzəli
" Sənə versin " qəzəli
" Gəlib seçib bu evi həsrət, ayrılıq ünvan " qəzəli
Baş Sehife
MobTop.az