edit.az
Pulsuz Yüklemeler Dünyası...
    

" Sal çöllərə öz Qeysini nalan elə sən də " qəzəli

Yerleşdirdi: *_*M_O_N_I_K_A*_*(27.03.2013 / 18:45)
Oxunmuş: 939 | | Like: 0

Sal çöllərə öz Qeysini nalan elə sən də,
Öldür onu biryolluğa, əfqan elə sən də.

Eşqinlə könül yanmağa niyyətlidi hər gün
Ver cövrü cəfa, bağrımı büryan elə sən də.

Hər yoldan ötən bilməsin, əğyarə deyərlər,
Mən söyləmədim bir kəsə, pünhan elə sən də.

Göylər axıdır göz yaşı gülsün bu çəmənlər,
Gül, gül, gözəlim, gül, məni giryan elə sən də.

Dövran da bizim eşqə müxalifdi nədənsə,
Gəl, eşqə müxaliflərə üsyan elə sən də.

Hər cövr edə yarım, ona dözməkdi qərarım,
Yarəb, nə olar, səbrimi ümman elə sən də.

Candan çəkərəm nazını ömrüm boyu, ey gül,
Öz nazını tək Yasinə ünvan elə sən də.

Fikirler:
Kitabxana »
" Səhər-səhər danışır tər ləçək şehin nağılın " qəzəli
" Qədrin bil " qəzəli
" Bütün gecəni " qəzəli
" Dedim: -- Ölləm, gözəlim, rəhm elə tədbir eylə " qəzəli
" Döşənib gözlərimdə dar küçəniz " qəzəli
" Sığışmaz " qəzəli
" Ətrafında " qəzəli
" Bu payız bir qədər erkən tökülüb yarpaqlar " qəzəli
" Yazdı təbiət dəyişib köynəyin " qəzəli
" Hanı bir kimsə otursun, danışım dərdimdən " qəzəli
Baş Sehife
MobTop.az