edit.az
Kitabxana - En Maraqlı melumatlar
    

" Günüm pis keçmir " qəzəli

Yerleşdirdi: *_*M_O_N_I_K_A*_*(26.03.2013 / 18:25)
Oxunmuş: 776 | | Like: 0

Min şükür dərd ilə ülfətdə günüm pis keçmir,
Fikr ilə hər gecə söhbətdə günüm pis keçmir.

Doymuram hər günüm üçün Ona şükranlıqdan,
Razıyam, Rəbbimə minnətdə günüm pis keçmir.

İstəyim, qəsdim əziz yarıma can verməkdir,
Belə xoş arzuda, niyyətdə günüm pis keçmir.

Dərdi hər gün çəkirəm söhbətə xəlvət yerdə,
Çəksə də xeyli bu, xəlvətdə günüm pis keçmir.

Hər şeyim var, nəsə çatmırsa da dərdim yoxdur,
Buna da min şükür, əlbəttə, günüm pis keçmir.

Ümidim vəslə kəsilmir, ötür hərçənd ömrüm,
Bu ümidlə hələ həsrətdə günüm pis keçmir.

Mənə divanə deyirlər tanıyanlar, ancaq
Elə “arif”lərə nisbətdə günüm pis keçmir.

Müxtəsər, yoxdu gileylənməyə haqqım, Yasin,
Kİ, böyük məqsədə xidmətdə günüm pis keçmir.

Fikirler:
Kitabxana »
" Yerindən az qala qopsun ürək bu səs-küydən " qəzəli
" Salarsan " qəzəli
" Bütün gecəni " qəzəli
" Yandırsın " qəzəli
" Qəşəng-qəşəng " qəzəli
" Yazdı təbiət dəyişib köynəyin " qəzəli
" Ətrafında " qəzəli
" Sığışmaz " qəzəli
" Qədrin bil " qəzəli
" Döşənib gözlərimdə dar küçəniz " qəzəli
Baş Sehife
MobTop.az