edit.az
Namaz vaxtları...
    

GECİKMİŞ MƏHƏBBƏT

Yerleşdirdi: *_*M_O_N_I_K_A*_*(25.03.2013 / 16:08)
Oxunmuş: 1267 | | Like: 0

Sən gizli gəlmisən ömrümə inan.
Bu gizli eşq ilə yaşayacağam
Dünyanın ən ağır yükü sayılan,
Gecikmiş məhəbbət daşıyacağam.
Sən mənim ömrümdə açan çiçəksən.
Onu ürəyimdə bəsləyəcəyəm.
Sən məni heç zaman görməyəcəksən
Mən səni hər zaman gözləyəcəyəm
Uzaqdan göz qoyub gözünə sənin
San ki görəcəyəm Allahımı mən.
Düşüb qarış – qarış izinə sənin
Əzbərləyəcəyəm yollarını mən
Səni zərə – zərə kəşf edəcəyəm
Səni milyon kərə kəşf edəcəyəm
Hər günü adınla başlayacağam
Hər günü adınla bitirəcəyəm.
Səni röyalarda oxşuyacağam
Səni xəyallarda itirəcəyəm.
Sən məni heç zaman duymuycaqsan
Mən bütün ömrünü izləyəcəyəm
Sən mənə məhəldə qoymayacaqsan
Mən səni həmişə səsləyəcəyəm.
Hər gün mənim üçün doğulacaqsan,
Hər gün mənim üçün yox olacaqsan,
Mənim sevincim də sən olacaqsan
Mənim kədərim də sən olacaqsan.
Mən sənin adına hər saat, hər an,
Qəlbimdə məktublar yollayacağam.
Sən heç vaxt fikrimdən çıxmayacaqsan,
Mən heç vaxt yadında qalmayacağam.
Beləcə həsrətlə qalacağam,
Keçib hər alovdan, keçib hər oddan,
Böyük əzabından şad olacağam,
Sən mənə həyatda ən doğma adam,
Mən sənə yaddan da yad olacağam,
Sən ömr edəcəksən ayrı adamla,
Mən kiməm, nəçiyəm bilmiyəcəksən
Bir gün bu dünyadan sənin adınla,
Köçüb gedəcəyəm bilmiyəcəksən…..

Ads
loading...
Fikirler:
Kitabxana »
Deli bir aglamaq kecir konlumden
AMAN ALLAH, MƏNƏ QİYMƏT VERƏNƏ BAX…
Ayriliq
Qayit,unutmagi sen oyret mene
Qar kimi
YUXUMDA O TAYA KEÇDİM BU GECƏ
HEMID KENGERLI.
O BUNU BƏYƏNMİR, BU ONU BƏYƏNMİR…
AY ANA…
Dünən toyun idi
Baş Sehife
MobTop.az