edit.az
Forum - En Maraqlı Mövzular ve Fikirler
    

Belke de hec zaman gelmeyeceksen

Yerleşdirdi: [Ram](29.10.2012 / 00:25)
Oxunmuş: 6539 | | Like: 0

Səni gözləyirəm günlər uzunu
Saatlar uzunu anlar uzunu.
Zaman da daş kimi donub yerində
Buludlar ötüşmür küləklər əsmir.
Ayrılıq hökm edir yer üzərində
Mən günü qovsam da günlər tələsmir

Kədər karvanıdır ömürdən gedən
Dünyanın dağında düzündən həsrət
Tək məni ayrılıq üzürsə nədən
Bütün adamların gözündə həsrət.

Yollar şahidimtək durur üzümə
Deyir ki axtarma, arama, anma!
Onu mən apardım mən qaytararam,
Sənə yanmayana sən belə yanma!

Səni gözləyirəm səni tək səni
Ağaclar çiçəyi gözləyən kimi.
Məhbus azadlığın ilk səhərini
Dünya gələcəyi gözləyən kimi...

Baxışım döşənib uzaq yollara
Min gedənə dözür bir gələn üçün.
Ən uzaq ayrılıq ağrılarından
Ümid zirvəsitək yüksələn üçün.

Bəlkə, gələcəksən günün birində
Bəlkə də, heç zaman gəlməyəcəksin.
Sənin həsrətin də xoşbəxtlik imiş
Sən bu xoşbəxliyi bilməyəcəksən.

Ads
loading...
Fikirler:
Kitabxana »
Sağlığında qiymət verin insanlara!
Bir Gün
Sarıl Mənə
AğLaMa
Deniz ... Goy ... Mehebbet ...
Ne olar susma,bir seyler soyle
Yaşadıklarımdan Öğrendiğim Birşey Var
Baş Sehife
MobTop.az