edit.az
Kitabxana - En Maraqlı melumatlar
    

Hafiz Əbu Əmr Səid ibn Qasım ibn Əla ibn Xalid Bərdəi

Yerleşdirdi: *_*M_O_N_I_K_A*_*(02.05.2013 / 21:17)
Oxunmuş: 289 | | Like: 0

Yaşadığı dövrün böyük hədis hafizlərindən olan Əbu Əmr Səid Bərdəi Türküstanın Taraz (Taraz-indiki Qazaxıstanın cənubi-şərqində yerləşən şəhər. Qədim adı Taraz (Talas) olun bu şəhər 1997-ci ilə qədər Cambul adlanmışdı. ) şəhərində məskunlaşmışdı. H. 350-ci ildə (961) həcc ziyarətinə getmiş və qayıdarkən Bağdada gəlmişdi. Bağdadda Muhəmməd ibn Hibban əl-Bəsri, İsfahanda Muhəmməd ibn Yəhya ibn Mundəh (1) , Abdullah ibn Hüseyn ibn Bəhr əş-Şamati Nişapuri, Muhəmməd ibn Cə’fər əl-Kərabisi Bəlxidən hədis nəql etmişdi. Əbü’l-Həsən Əli ibn Ömər Darəqutni (918-995), Əbu Əli ibn Fudalə ər-Razi, Əhməd ibn Əbdurrəhman əş-Şirazi, Əbu Əli Hüseyn ibn Əli Bərdəi və başqaları ondan hədis dinləmiş və nəql etmişdilər. Həmçinin Muhəmməd ibn İsmayıl əl-Vərraq da Bağdadda ondan hədis nəql etmişdi. Ondan hədis dinləyib nəql etmiş başqa bir tanınmış ravi Əbu Əbdürrəhman Muhəmməd ibn Hüseyn ibn Muhəmməd ibn Musa əl-Əzdi əs-Süləmidir(2) (öl. 1021). Əbu Əmr Səid Bərdəi h. 362-ci ildə (973) Tarazda vəfat etmişdi (3) İbnü’l-İmad alimin Tarazda, lakin h. 363-cü ildə (974) vəfat etdiyini qeyd etmişdi(4) Nəql silsiləsində Əbu Əmr Səid Bərdəinin də olduğu hədislərdən biri aşağıdakıdır:
Ayşə (r/a) dedi: “Allah Rəsulu (s.a.v) ölüləri söyməyi nəhy (qadağan) etdi” . (5)



(1) Əbu Nueym Əhməd ibn Abdullah İSBƏHANİ, Zikr Əxbaru-İsbəhan, C. I, s. 300, Leiden 1934.
(2) Əbu Bəkr Əhməd ibn Hüseyn ibn Əli əl-BEYHƏQİ, Məvsusətu-Ricali’s-Sünəni’l-Kübra, s. 75, Qahirə (trz).
(3) Şəmsəddin Əbu Abdullah Muhəmməd ibn Əhməd ZƏHƏBİ, Kitab Təzkərətü’l-Hüffaz, s. 936-937, Beyrut (trz); SƏM’ANİ, Kitabü’l-Ənsab, C. I, s. 215-216; XƏTİB BAĞDADİ, Tarixu-Bağdad, C. IX, s. 110; İBN KƏSİR, Bidayə və’n-Nihayə, C. II, s. 311. İbn Kəsir alimin adını “Əbu Əmr Səid ibn Qasım ibn Xalid Bərdəi” olaraq qeyd etmişdir.
(4) İBNü’l-İMAD, Şəzəratü’z-Zəhəb, C. III, s. 222.
(5) XƏTİB BAĞDADİ, Tarixu-Bağdad, C. IX, s. 110. Bu hədis üçün bax: BUXARİ, Səhih, Cənaiz 97, Riqaq 42; NƏSAİ, Sünən, Cənaiz Nr. 52/1910; ƏBU DAVUD, Sünən, Ədəb 42/4899. Hədisin “Kütubi-Sittə”dəki mətni belədir: Ayşə (ل) dedi: Allah Rəsulu (ق) buyurdular ki; “Ölüləri söyməyin. Çünki onlar bu dünyada etdikləri əməllərlə birlikdə artıq keçib getmişdirlər”. (لا تَسُبُّوا الأَمْوَاتَ فَإِنَّهُمْ قَدْ أَفْضَوْا إِلَى مَا قَدَّمُوا).

Ads
loading...
Fikirler:
Kitabxana »
Dəvətdə Üslub
RƏSULULLAHIN ÜMMƏTİ ÜZƏRİNDƏKİ HAQLARI (Altıncı),Rəsulullaha (s.a.v.) salavat gətirməkdir
Zinadan doğulan uşaq cənnətə daxil olacaqmı?
Möminlər arasında təfriqəçilik salmaq zəlalətdir
Övlad ailə və ailə övlda münasibəti
Sehirbazın Qazancının Haram Olması
ALQI-SATQI FƏSLİ ( IV)
Əxlaqımızla dinimizin divarlarını yıxırıq
Qazancdan müəyyən pay müqabilində sərmayə qoyuluşu
FİRONUN HƏYAT YOLDAŞI ASİYA
Baş Sehife
MobTop.az