edit.az
Foto Albom - Sizden Gelen-Paylaşılan Şekiller
    
| | | | | | | | | | | | | |

Soltan Bayramov: Ağır rəqabət şəraitində ağıllı və güclü olan qalib gəlir – MÜSAHİBƏ

“Gənclərimiz ixtisas seçimində də diqqətli olmalıdır”.

Soltan Bayramov: Ağır rəqabət şəraitində ağıllı və güclü olan qalib gəlir – MÜSAHİBƏ
08.04.2015 / 19:00

Soltan Bayramov: Ağır rəqabət şəraitində ağıllı və güclü olan qalib gəlir – MÜSAHİBƏ

“Gənclərimiz ixtisas seçimində də diqqətli olmalıdır”.

oxuazın “Uğurun tarixi” layihəsinin növbəti qonağı azərbaycanlı gənclərin Azərbaycan Böyük Britaniya Məzunları İctimai Birliyinin (AUKAA) üzvü Soltan Bayramovdur.

- Soltan bəy, səhv etmirəmsə Sizin İngiltərədə təhsil almaqla yanaşı, həm də iş təcrübəniz olub.

- Doğrudur. Wales Universitetində biznesin idarə edilməsi istiqaməti üzrə bakalavr və magistr təhsili (MBA) almışam. 6 il Böyük Britaniyada yaşadım. 5 il təhsil, 1 il isə iş təcrübəsi keçdim. Bildiyiniz kimi, bir neçə il öncəyədək Britaniya diplomu olan məzunlara iş təcrübəsi keçməsi üçün 2 illik işçi vizası verilirdi. Lakin sonradan bu imkan bir qədər məhdudlaşdırıldı və yekunda ləğv olundu. Mən isə bu imkandan istifadə etdim və iş ilə təmin olundum. 2010-cu ildə isə Azərbaycana qayıtmaq qərarı verdim.

- 6 ildən sonra qayıtdıqda ciddi adaptasiya problemi ilə qarşılaşmış olarsınız...

- Bəli, məsələ elə budur. Qayıdışdan sonar başlıca prioritet karyera qurmaqla bağlı planlar olur. Əgər sizin Avropa iş mühitində təcrübəniz varsa, yerli iş mühitinə alışmaq əlavə çətinlik yaradır. Bu səbəbdən etiraf edim ki, arzuladığım iş mühitini tapmaq bir qədər zaman aldı. Azərbaycana qayıtdıqdan sonra qida, həmçinin telekommunikasiya sahələrində fəaliyyət göstərən bir neçə aparıcı şirkətlərlə biznesin inkişafı və marketinq sahələri üzrə əməkdaşlıq etdim.

Son 2,5 ildə isə marketinq meneceri kimi “ATL Group”-un uğurları üçün çalışıram. “ATL Group” tərkibində müxtəlif biznes sektorlarında fəaliyyət göstərən 6 şirkətdən ibarətdir. İlkin olaraq fəaliyyətinə 5-6 nəfərlik kollektivlə biznes konsaltinqi şirkəti olaraq başlayan “ATL Group” bu gün heyətində və rəhbərliyində çoxsaylı xaricdə təhsil almış məzunlar olan böyük şirkətlər qrupuna çevrilib. 

Qeyd etdiyim kimi, Azərbaycana qayıtdıqdan sonra uzun müddət İngiltərədə çalışdığım iş mühitinin axtarışında olmuşam. Sevinirəm ki, bu mühit şirkət olaraq əməkdaşlarımız üçün yaradılmışdır. Əməkdaşlara sərbəstlik vermək, qərar qəbul edilən zaman onların fikirlərini dinləmək bu mühitin başlıca üstün cəhətləridir. Yəni qorxu, təzyiq ilə deyil, bilik və bacarıqlarını nümayiş etdirmək, davamlı inkişaf etmək üçün əməkdaşlara optimal mühit yaradılmalıdır.  Hesab edirəm ki, kiçik konsaltinq şirkətindən 180-dən çox heyəti olan böyük şirkətlər qrupuna çevrilməyimizdə bu məqamlar da başlıca uğur faktorlarından olmuşdur.

- Bildirdiniz ki, qayıtdıqdan sonra uzun müddət İngiltərədə öyrəşdiyiniz iş mühitininin axtarışında oldunuz. Yerli mühitdə qarşınıza çıxan ilk problemli məqamlar hansılar oldu? 

- Bu suala cavabımda öz təcrübəmdən çıxış edərək məzunlara məsləhət də vermək istərdim. İlk olaraq sərbəst olmayan mühitdə işləməyin çətinlikləri ilə qarşılaşdım. Bunun Azərbaycanda obyektiv səbəbləri var. İngiltərədə peşəkar iş mühitində işçilərin mütləq əksəriyyəti verilən sərbəstlikdən sui-istifadə etmirlər. Yəni sərbəstlik verilsə də, bu işin vaxtında və yüksək keyfiyyətdə təhvil verilməsinə maneə yaratmır. 

Azərbaycanda isə hesab edirəm ki, şirkətlər məcbur olub işçiyə təzyiqli yanaşırlar. Çünki sərbəstlikdən sui-istifadə halları müşahidə olunur. Təbii ki, fərdlər müxtəlifdir, lakin söhbət əksəriyyətdən gedir. Yəni sərbəst mühitin effektli olması üçün sizin seçdiyiniz əməkdaşların peşəkar və insani keyfiyyətləri də önəmlidir. Bu məqamda başlıca məsələ insan resurslarınızın doğru seçilməsi və onlara uyğun optimal korporativ mühitin formalaşdırılmasıdır.

- Soltan bəy, xaricdə təhsil almış gənclərin yerli şirkətlərdə birdən-birə yüksək vəzifədə olmaq həvəsi olur. İş təcrübəsi olmadan belə iddiaya sahib olmaq nə qədər doğrudur?

- İlk öncə xaricdə təhsil alan tələbələrə bir tövsiyəm olacaq. Bilirəm ki, bu gün işçi vizası almaq çətinləşib, lakin bütün hallarda minimum olsa belə iş təcrübəsi qazanmağa çalışsınlar. Bu halda ölkəmizə qayıtdıqdan sonra istər özəl, istərsə də dövlət qurumlarına daha çox töhfə vermiş olarlar.

O ki qaldı sualınıza, inanın ki, şirkətlərimizdə xaricdə təhsil almış şəxslərlə yanaşı rəqabətə davamlı yetərincə yerli təhsilli mütəxəssislər də var. Bu da iş təcrübəsi və öz üzərlərində işləməkdən irəli gəlir. Yaxşı olar ki, özünüz tapdığınız iş mühitində səbirlə inkişaf edəsiniz. Səbirsizlik göstərib birdən-birə yüksəlmək istəyən və buna nail ola bilmədiyi üçün gileylənən çox insan var. Hətta istədiklərini əldə edə bilməyərək yenidən xaricə qayıtmaq düşüncəsində olanlar da var. Sanki onları ölkə xaricində yüksək vəzifə və ideal şərait gözləyir.

Bir məqamı mütləq qeyd etmək istəyirəm, gənclərimiz ixtisas seçimində də diqqətli olmalıdır. Məsələn, hansısa subyektiv səbəblərdən seçilən ixtisas 1 il sonra darıxdırıcı olmağa başlayır. Belə şəxslərin CV-ni gözdən keçirəndə doğru bir trayektoriya olmadığı ortaya çıxır. Bu yaxınlarda Avropa ölkələrinin birində təhsil alan tələbə mənə müraciət etdi. Bakalavr təhsili maliyyə üzrə olub. Hazırda isə MBA oxuyur və marketoloq olmaq istədiyini bildirdi. 

Mən ona bildirdim ki, marketoloq olmaq üçün həvəs və səriştəsi varmı?! Söhbət əsasında məlum oldu ki, qeyd olunan şəxs maliyyə sahəsinə can atır və marketoloq olmaq ideyası sadəcə yaxınlarının məsləhəti ilə peyda olub. Yarım saatlıq müzakirədən sonra onu marketoloq olmaq fikrindən daşındırdım. Onunla qısa zaman ərzində karyera planlaması da etdik ki, Azərbaycana qayıtdıqdan sonra maliyyə sahəsi ilə bağlı hansı şirkətlərə müraciət edə bilər və işə düzəldikdən sonra onu nələr gözləyir.

- Söz marketinqdən düşmüşkən, sanki son dövrlər bu sahə Azərbaycanda dəbə minib...

- Azərbaycan iqtisadiyyatı inkişaf edir, yeni biznes sahələri və rəqabətcil bazar mühiti formalaşır. Hansı ki, ağır rəqabət şəraitində ağıllı və güclü olan qalib gəlir. Bu şəraitdə atılacaq doğru addımları müəyyənləşdirmək isə marketoloqların işidir. Bəli, bu sahə Azərbaycanda son dövrlər kifayət qədər aktuallaşıb ki, bu da təbiidir. Bununla belə, hər bazarın öz unikallığı var. Məsələn, İngiltərədə bazara təqdim etdiyiniz yeni məhsul və ya xidmətlə bağlı kütləyə verdiyiniz mesaj orada başqa şəkildə, Azərbaycanda tam başqa şəkildə qavranıla bilər. Odur ki, bu məqamda başlıca uğur faktoru hədəf kütlənizi hərtərəfli analiz etmək və onlara yaxşı bələd olmaqdan ibarətdir.

- Vacib olan mesaj verdiyin kütlənin psixologiyasını bilməkdir...

- Bəli, yerli şəraitdə uğur qazanmaq istəyən marketoloq kütlənin psixologiyasına və dünya görüşünə bələd olmalıdır ki, hər hansı məhsul və xidməti doğru yollarla onlara təqdim etsin. 

- Karyeranızda narazı olduğunuz məqam varmı?

- Etiraf edək ki, karyera məsələsində heç də hər şey 100% planlaşdırdığınız kimi olmur ki, burada qarşınıza çıxan imkanların da rolu var. O ki qaldı özümə, bu gün karyeramda narazı olduğum başlıca məqam tələbəlikdən sonra İngiltərədəki iş təcrübəmin birbaşa marketinq və biznesin inkişafı sahələri ilə bağlı olmamasıdır. Düşünürəm ki, bu beynəlxalq təcrübə baxımından karyerama daha müsbət təsir edərdi. Lakin, məsələnin müsbət tərəfi də var ki, bu da peşəkar əcnəbi mühitdə çalışmaq imkanının əldə olunması ilə bağlı idi.

Sədan Bünyadova
oxu.az

Xəbərlər Arxivi » Ən Son Xəbərlər
Tarixin ən çox gəlir gətirən cizgi filmi açıqlandı - FOTO  

Tarixin ən çox gəlir gətirən cizgi filmi açıqlandı - FOTO

Tarixin ən çox gəlir gətirən cizgi filmi açıqlandı - FOTO
Astarada psixotrop maddə satan həmkəndlilər iş başında tutuldu - FOTO  

Astarada psixotrop maddə satan həmkəndlilər iş başında tutuldu - FOTO

Astarada psixotrop maddə satan həmkəndlilər iş başında tutuldu - FOTO
Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi  

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi
Tovuzda qızın vəhşicəsinə öldürülməsi: Hədəf qohumları göstərilir - ÖZƏL  

Tovuzda qızın vəhşicəsinə öldürülməsi: Hədəf qohumları göstərilir - ÖZƏL

Tovuzda qızın vəhşicəsinə öldürülməsi: Hədəf qohumları göstərilir - ÖZƏL
İran parlamenti ABŞ ordusunu terror təşkilatı kimi tanıdı  

İran parlamenti ABŞ ordusunu terror təşkilatı kimi tanıdı

İran parlamenti ABŞ ordusunu terror təşkilatı kimi tanıdı
Süleymani son mənzilə yola salınır - VİDEO  

Süleymani son mənzilə yola salınır - VİDEO

Süleymani son mənzilə yola salınır - VİDEO
İranın BMT-dəki nümayəndəsi: Ayətullahın müqəddəs əmri var, nüvə silahı...  

İranın BMT-dəki nümayəndəsi: Ayətullahın müqəddəs əmri var, nüvə silahı...

İranın BMT-dəki nümayəndəsi: Ayətullahın müqəddəs əmri var, nüvə silahı...
Fəhlələr ölümdən son anda xilas oldu - VİDEO  

Fəhlələr ölümdən son anda xilas oldu - VİDEO

Fəhlələr ölümdən son anda xilas oldu - VİDEO
Pentaqon Yaxın Şərqə əlavə hərbçi və bombardmançı təyyarələr göndərir  

Pentaqon Yaxın Şərqə əlavə hərbçi və bombardmançı təyyarələr göndərir

Pentaqon Yaxın Şərqə əlavə hərbçi və bombardmançı təyyarələr göndərir
Tofiq Musayev: Artıq mənə UFC-dən təkliflər var - FOTO  

Tofiq Musayev: Artıq mənə UFC-dən təkliflər var - FOTO

Tofiq Musayev: Artıq mənə UFC-dən təkliflər var - FOTO
Baş Sehife
MobTop.az