edit.az
Pulsuz Yüklemeler Dünyası...
    
| | | | | | | | | | | | | |

Nərmin Rəhimli: Uğur qarşına qoyduğun məqsədə gedən yolda kiçik nailiyyətlərdir

“Əsas məqsədim gördüyüm işlərlə cəmiyyətə fayda verməkdir”.

Nərmin Rəhimli: Uğur qarşına qoyduğun məqsədə gedən yolda kiçik nailiyyətlərdir
14.12.2015 / 22:16

Nərmin Rəhimli: Uğur qarşına qoyduğun məqsədə gedən yolda kiçik nailiyyətlərdir

“Əsas məqsədim gördüyüm işlərlə cəmiyyətə fayda verməkdir”.

oxuazın “Uğurun tarixi” layihəsinin növbəti qonağı azərbaycanlı gənclərin Azərbaycan Böyük Britaniya Məzunları İctimai Birliyinin (AUKAA) üzvü Nərmin Rəhimlidir.  

- Nərmin, Sizi ictimai fəaliyyətinizlə artıq bir çoxları tanıyır.   

- Bəli, əslində, AUKAA-ya yeni qoşulmuşam. İctimai fəaliyyət keçmişim isə bundan əvvəldir.  Qafqaz Universitetində  bakalavr təhsili illərimdən etibarən ictimai-sosial layihələrdə iştirak etmişəm. Bu layihələrin böyük əksəriyyəti də gənclər və icma inkişafı ilə bağlı olub.

- Ən səs gətirəni  isə yəqin ki, Müsbət Dəyişiklik Gənclər Hərəkatı  (MDGH) olub…   

- Bəli, 2010-cu ildə qurulmuş Müsbət Dəyişiklik Gənclər Hərəkatının təsisçilərindən biri olmuşam. Müsbət Dəyişiklik olaraq bütün ictimai prosesləri izləməyə və ictimai layihələrlə müsbət töfhə verməyə çalışmışıq.

Görülən işlər həmişə daha çox bilgi, məlumat sahibi olmağı tələb edir. Bu səbəbdən də xaricdə təhsil almaq fikrim hər zaman olub. Bakalavr təhsilimlə magistr təhsilim arasında böyük fasilə oldu.  2014-cü ildə isə düşündüm ki, “vaxtdır” və İngiltərə Xarici İşlər Nazirliyinin Çivininq (Chevening) təqaüd proqramına müraciətim uğurlu oldu. Bu təqaüdlə İngiltərədə təhsil alarkən bir daha başa düşdüm ki, magistratura təhsilindən öncə mütləq professional təcrübə olmalıdır. Dərsləri oxuduqca, açıq-aydın hiss edirdim ki, əgər eyni materialları, bakalavrdan sonra birbaşa və ya sadəcə ictimai yönümlü iş təcrübəsi ilə oxusaydım, başqa yöndən dərk edəcəkdim. Amma, həm ictimai, həm də biznes sahəsində müəyyən təcrübəniz olması, hər iki mühitlə tanışlıq dərs materiallarına tam fərqli yanaşmağınıza səbəb olur.  

- Hansı sahə üzrə magistr təhsili aldınız?

- Ölkəmizdə hüquq fakültəsini bitirmişdim. İngiltərədə isə İctimai siyasət və İctimai İdarəetmə üzrə magistr təhsili aldım. İndi müqayisə edəndə görürəm ki, gördüyüm işlər, müşahidə etdiyim proseslərin elmi tərəfi ilə tanış olmaq məndə  proseslərə emosional yanaşmanı dəyişib. Nəzərdə tutduğum, hər məsələdə alternativ həll yolları haqda düşünmək imkanıdır. Tutaq ki, faydalı iş görmək istəyirsiniz və bir istiqamət seçmisiniz. Əgər o yol fayda gətirmirsə, bu halda bu yola emosional bağlılığınızla özünüzü məhdudlaşdırmadan,  fərqli nələr edəcəyiniz haqda düşünməyə başlamalısınız.  

- Nərmin, MDGH olaraq gənclərlə iş üzrə hansı müsbət işlər görmüsünüz?

- Açığı magistr təhsilimi İctimai Siyasət və İdarəetmə üzrə almaq qərarımda elə Müsbət Dəyişiklik fəaliyyətim əsas rol oynayıb. Bizim əsas istəyimiz gənclərdə liderlik qabiliyyətlərini üzə çıxarmaq,  öz komfort zonalarını tam tərk etmədən liderlik bacarıqlarını inkişaf etdirmək üçün imkanlar təqdim etmək idi. Bununla bağlı bir çox layihələr, təlimlər keçirmişik. Gənclərin şəxsi inkişaflarına töfhə baxımından ən uğurlu təşəbbüslərimizdən biri isə “Müsbət Dəyişiklik kitab klubu” olub. “MD kitab klubu”-na xaricdə təhsil alan, çalışan gənclərimiz kitab ianələri edirdilər. Hansı ki o kitabların bəziləri, ümumiyyətlə, ölkədə satışda yox idi, ya da tələbə büdcəsi üçün baha idi. Biz də öz növbəmizdə gənclərə həmin kitabları ödənişsiz olaraq oxumaq imkanı təqdim edirdik. Tələbələr kitabları alır, oxuyur, geri qaytarır, hətta öz kitablarını da ianə olaraq verirdilər. Son qanun dəyişikliyindən sonra təşkilatın qeydiyyata alınması ilə bağlı işlər görürük.  

- Belə nəticəyə gəlmək olar ki, xarici təhsilinizi məhz ictimai fəaliyyətinizdə daha da faydalı olmaq üçün almısınız…  

- Bilirsiniz, artıq formalaşmış dəyərləriniz, seçimləriniz olsa belə, daha inkişaf etmiş ölkələrdəki təhsil fərqli baxış bucaqları, daha zəngin dünyagörüşü  formalaşdırır, və son nəticədə açıq cəmiyyətdə  uzun müddətlik yaşamaq sizi daha böyük şəkilləri görməyə vadar edir. Orada ağlıma daha böyük ideyalar gəlirdi. Düzdür qayıtdıqdan sonra, bir çoxlarında olduğu kimi  müəyyən dövr qeyri-müəyyənlik olur. İlk başlarda tərəddüd yaşayırsan, karyeranı biznes sektorunda davam etdirmək fikri və fərqli istəklər baş qaldırır. Amma elə bir görüş olur və ya fikirlərlə qarşılaşırsınız ki, Sizi silkələyir, özünüzə qaytarır. Hansı məqsəd və arzularla xaricdə təhsil üçün can atdığınızı yada salırsınız...

Artıq adaptasiya mərhələsini geridə qoymuşam. Hazırda Müsbət Dəyişikliyin qeydiyyat işləri ilə məşğulam.  

- Nərmin, yeni layihələr və ya ideallar varmı?
  
- Mən İngiltərədə olarkən burada dostlar, xaricdə təhsil alan gənc Azərbaycanlılar şəbəkəsi tərəfindən, ölkəmizin gənc və ali təhsilli insan kapitalından ən yaxşı şəkildə istifadə etməyi qarşısına məqsəd qoyan müstəqil analitik mərkəz, “İctimai Siyasət İnstitutu” -nu qurublar. Hazırda sözügedən mərkəz tərəfindən ölkənin post-neft dövrü inkişafına yeni, innovativ həll üsulları axtarışıyla “Sosial İnnovasiya Müsabiqəsi” layihəsi üzərində işlər aparılır. Mən də bu layihəyə töfhə verməyə çalışıram. Bundan başqa, çox istərdim ki, İngiltərədə aldığım təhsili gənclərimizlə bölüşüm. Buna görə də, magistr diplomumun nostrifikasiyasından dərhal sonra dərs demək üçün universitetlərimizə müraciət etməyi planlaşdırıram.  Həm də öz ixtisasımla bağlı məşhur məqalələrdən tərcümə ilə də məşğulam. Hesab edirəm ki, bu məqalələr tələbələrimiz üçün fərqli mənbə imkanı ola bilər. Ümumiyyətlə, həmişə inanmışam ki, aldığınız təhsil Sizdən başqa heç kimə xidmət etmirsə, o zaman bu təhsilə ayırdığınız günlər sadəcə vaxt itkisi olacaq.

İngiltərə təhsili davamlı akademik karyera üçün əvəzolunmaz təhsil mühitlərindən biridir. Düzdür, mən daha çox praktik təhsildə maraqlıyam və bu səbəbdən gələcəkdə həm də  Amerikada təhsil almaq fikrim var.  

- Sonda sizə ənənəvi sualımızı vermək istəyirəm. Sizin üçün uğur anlayışı nədən ibarətdir? 

- Mənim üçün uğur qarşına qoyduğun məqsədə gedən yolda əldə etdiyin kiçik nailiyyətlərdir. Tələbəliyimin ilk vaxtlarından bu günə kimi əsas məqsədim gördüyüm işlərlə cəmiyyətə, insanlara fayda vermək olub. Şəxsi inkişafımı da bu işlərlə paralel aparmışam. Bundan sonra da qarşıma çıxacaq imkanları bu məqsədimə çatmaq üçün dəyərləndirəcəm.

oxu.az

Xəbərlər Arxivi » Ən Son Xəbərlər
Tarixin ən çox gəlir gətirən cizgi filmi açıqlandı - FOTO  

Tarixin ən çox gəlir gətirən cizgi filmi açıqlandı - FOTO

Tarixin ən çox gəlir gətirən cizgi filmi açıqlandı - FOTO
Astarada psixotrop maddə satan həmkəndlilər iş başında tutuldu - FOTO  

Astarada psixotrop maddə satan həmkəndlilər iş başında tutuldu - FOTO

Astarada psixotrop maddə satan həmkəndlilər iş başında tutuldu - FOTO
Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi  

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi
Tovuzda qızın vəhşicəsinə öldürülməsi: Hədəf qohumları göstərilir - ÖZƏL  

Tovuzda qızın vəhşicəsinə öldürülməsi: Hədəf qohumları göstərilir - ÖZƏL

Tovuzda qızın vəhşicəsinə öldürülməsi: Hədəf qohumları göstərilir - ÖZƏL
İran parlamenti ABŞ ordusunu terror təşkilatı kimi tanıdı  

İran parlamenti ABŞ ordusunu terror təşkilatı kimi tanıdı

İran parlamenti ABŞ ordusunu terror təşkilatı kimi tanıdı
Süleymani son mənzilə yola salınır - VİDEO  

Süleymani son mənzilə yola salınır - VİDEO

Süleymani son mənzilə yola salınır - VİDEO
İranın BMT-dəki nümayəndəsi: Ayətullahın müqəddəs əmri var, nüvə silahı...  

İranın BMT-dəki nümayəndəsi: Ayətullahın müqəddəs əmri var, nüvə silahı...

İranın BMT-dəki nümayəndəsi: Ayətullahın müqəddəs əmri var, nüvə silahı...
Fəhlələr ölümdən son anda xilas oldu - VİDEO  

Fəhlələr ölümdən son anda xilas oldu - VİDEO

Fəhlələr ölümdən son anda xilas oldu - VİDEO
Pentaqon Yaxın Şərqə əlavə hərbçi və bombardmançı təyyarələr göndərir  

Pentaqon Yaxın Şərqə əlavə hərbçi və bombardmançı təyyarələr göndərir

Pentaqon Yaxın Şərqə əlavə hərbçi və bombardmançı təyyarələr göndərir
Tofiq Musayev: Artıq mənə UFC-dən təkliflər var - FOTO  

Tofiq Musayev: Artıq mənə UFC-dən təkliflər var - FOTO

Tofiq Musayev: Artıq mənə UFC-dən təkliflər var - FOTO
Baş Sehife
MobTop.az