edit.az
Namaz vaxtları...
    
| | | | | | | | | | | | | |

Sənan Yusifov: Deyirdilər ki, rüşvət verməlisən – MÜSAHİBƏ

“Müəyyən yaşdan sonra ixtisaslara yanaşma da dəyişir”.

Sənan Yusifov: Deyirdilər ki, rüşvət verməlisən – MÜSAHİBƏ
24.07.2015 / 16:15

Sənan Yusifov: Deyirdilər ki, rüşvət verməlisən – MÜSAHİBƏ

“Müəyyən yaşdan sonra ixtisaslara yanaşma da dəyişir”.

oxuazın “Uğurun tarixi” layihəsinin növbəti qonağı azərbaycanlı gənclərin Azərbaycan Böyük Britaniya Məzunları İctimai Birliyinin (AUKAA) üzvü Sənan Yusifovdur.

Müsahibimizlə yay mövsümündə görüşdüyümüz üçün söhbətimizə də ölkənin turizm vəziyyətini müzakirə edərək başladıq.

- Sənan bəy, ilk turizm təhsilinizi Azərbaycanda almısınız?

- Xeyr. Ümumiyyətlə, ilk təhsilim turizm üzrə olmayıb. Bakalavr təhsilimi Bakı Dövlət Universitetində almışam. Beynəlxalq Münasibətlər və Beynəlxalq Hüquq fakültəsinin Beynəlxalq Münasibətlər ixtisasını bitirmişəm. Hər zaman diplomatik protokol və etiket normaları diqqətimi çəkib. Amma o zaman, söhbət 2005-2006-ci illərdən gedir, bu fakültə ən nüfuzlu fakültələrdən biri idi. ADA yarandıqdan sonra isə bu fakültənin digər universitetlərdəki dəyəri aşağı düşdü.  

- Yəni sonradan ixtisas dəyişikliyi etdiniz?

- Bəli. İxtisas dəyişikliyi etdim. Bilirsiniz, müəyyən yaşdan sonra ixtisaslara yanaşma da dəyişir. Mən Beynəlxalq Münasibətlər fakültəsini bitirən kimi səfirliklərə işə çağırılacağımı düşünürdüm.  Amma gördüyüm ki, bu fakültəni bitirən tələbələr iş tapmaqda çətinlik çəkir. Düzdür, hərtərəfli ixtisasdır, yəni tarixi, siyasəti, iqtisadiyyatı, dil və s. öyrədir. Əgər mən bu fakültəni deyil, başqa bir fakültəni bitirsə idim, böyük çətinliklə turizm və menecment üzrə magistratura təhsili ala bilərdim. Beynəlxalq hüququn daxilində beynəlxalq turizmlə bağlı da bəzi məlumatlar əldə edirsən. Yəni ilk ixtisasımla yeni ixtisasım arasında əlaqəli bir çox məqamlar vardı.

- Təhsilinizi xaricdə davam etdirmək ideyası necə yarandı?

- İlk olaraq onu deyim ki, mənim əmim və bəzi qohumlarım SSRİ zamanı Rusiyada, əmim qızı 2000-ci ilin əvvəllərində Britaniyada oxuyublar, xaricdə təhsil bizim ailədə ənənə halını alıb. Xaricdə təhsilə marağın bir başqa səbəbi də universitet müəllimlərimizin bir çoxunun xarici təhsil almış şəxslər olması olub. Onların tələbələrə münasibəti fərqli idi. Bizə saralmış vərəqlərdən mühazirələr deyilmədi. Onların tədris üslubu bir çoxumuzu xaricdə təhsil almağa həvəsləndirdi.  Mən özüm də bu gün Azərbaycan Turizm və Menecment Universitetində tədrislə məşğulam. Və öyrəndiklərimi tələbələrimlə münasibətimdə tətbiq edirəm.

- Hansı proqrama müraciət etdiniz?

- Erasmus proqramına müraciət etdim. “Erasmus Mundus” Avropa Birliyi nəzdində fəaliyyət göstərən Avropa Komissiyası tərəfindən maliyyələşən bir proqramdır. Lakin bu proqramın təklif etdiyi universitetlər məni qane etmədiyindən Xaricdə Təhsil Dövlət Proqramına müraciət etdim. Mənim proqramdan gözləntilərim az idi. Çünki bəzi mənfi məqamlar eşitmişdim.

- Hansı mənfi məqamlar?

- Deyirdilər ki, rüşvət verməlisən, adamın olmalıdır və digər bu kimi məsələlər. Amma həm də bu deyilənlər inandırıcı gəlmirdi. Çünki bu proqram vasitəsi ilə xaricdə təhsil alan əmim oğlanları vardı. Və nəticədə seçim şəffaf keçirildi və məndən rüşvət istəyən də olmadı. Şayiələr də yalan çıxdı.

Mən Qlazqo Universitetində İrsi və Mədəni Turizm Menecmentliyini oxudum. Bu sahədə də müəyyən siyasi çalarlar vardı. “Qara turizm” haqqında eşitmisiniz?! Mən ilk dəfə “Qara turizm” haqqında elə orada eşitdim. Bu gün bu, dünyada aktual bir mövzudur. Misal çəkərək “Qara turizm”in nə olduğunu izah etmək istəyirəm. Deməli bu gün Çernobıla səfərlər təşkil olunur. Bundan həm ölkə turizmi qazanır, həm də SSRİ-nin Ukraynada törətdiyi terroru turizm fonunda dünyaya yayırlar. Buna bənzər onlarla misal gətirmək olar.

- Quba məzarlığının ziyarət edilməsini də Azərbaycanda “Qara turizm”ə nümunə gətirmək olar...

- Bəli. Bununla da biz ermənilərin törətdiklərini dünyaya turizm yolu ilə göstəririk. İndi turizm terminləri ilə danışası olsaq, Azərbaycan 3 S (sea-sun-sand) turizmini dəstəkləyən ölkələr sırasındadır, Avropa isə 3 E (exciting-educational-entertainment) turizmini dəstəkləyir. Yəni avropalılar dincələndə belə nəsə öyrənməyə çalışır, biz isə çimərlikdə günəşlənməyi seçirik. 

- Amma bu sahədə də müəyyən dəyişikliklər hiss olunur...

- Təbii ki, bir neçə il öncəylə müqayisə etsək turizm sahəsində inkişafı aydın sezə bilərik. Buna dövlət qayğısı da əsaslı şəkildə zəmin yaradır. Düzdür, bu sahədə hər şey idealdır demək qeyri-səmimilik olardı. Təbii ki, turizm xidmətlərinin qiyməti çox da ürəkaçan olmasa da, bu artımı artan xidmət keyfiyyətiylə də bağlamaq olar.

Digər tərəfdən yerlərdə biznes sahiblərinin süni şəkildə qiymət artırması da insanlarımız üçün müəyyən problemlər yaradır, lakin bununla bağlı dövlət əlindən gələni edir ki, qiymətlər insanlarımızın büdcəsinə uyğun olsun və elə xeyir də vətənə qalsın. Gəlin, bir idman turizminin inkişaf dinamikasına nəzər yetirək: Avropa Oyunları, qarşıdan gələn Formula1, İslam oyunları və s. Azərbaycanın turizm potensialı və infrastrukturu inkişaf etməsə bu cür nəhəng idman yarışlarını qəbul edə bilərdimi? Təbii ki, yox.

- Qlazqoda keçən bir il sizə nələr verdi?

- Qlazqo Universitetində həqiqətən də tələbəliyin nə olduğunu hiss etdim. Avropada müəllim və tələbə münasibətləri yüksək səviyyədədir. Amma BDU-da müəllimlərimiz bizə Avropa müəllim-tələbə münasibətlərinin ənənələrini göstərmişdi. Ona görə də elə də çox təəccüblə qarşılamadım. Baxın orda münasibətlər sadədir, rektor tələbəyə kofe süzür, zarafatlar edir və s..

Ümumiyyətlə, şotlandlar çox mülayim və mehriban insanlardır. Oradakı insan münasibətlərini gördükdən sonra burdakı mühitə alışmaq çətin oldu. Yəni qayıtdıqdan sonra adaptasiya problemi yaşadım. İki ay işsiz qaldım. Bildiyiniz kimi Britaniya məzunları bir qədər eqolu olur.

- Yəqin ingilislərin eqosu keçicidir...

- Mən də elə düşünürəm. Sonra Azərbaycan Turizm və Menecment Universitetində işə başladım. Universitetin xətti ilə TEMPUS layihəsinə qoşuldum. Almaniyanın Yada Tətbiqi Elmlər Universitetinin TEMPUS layihəsi üzrə meneceri Gila Altmann idi. Bu qadın Azərbaycanı çox sevir, ölkəmizin elə yerlərində olub ki, bəlkə də bir çoxumuz həmin yerlərdə olmamışıq. Gila Altmann Latviyada, Gürcüstanda səfərlərimiz zamanı ermənilərin prapaqandalarının qarşısını alırdı. Bu layihənin sonunda bir dərslik müəllifi olduq. Bu dərslik Qafqaz ölkələrində Avropa Birliyinin standartlarına uyğun turizm təhsili üçün hazırlanıb. Bu kitab Azərbaycan, Gürcüstan və Ermənistanda dərslik olaraq istifadə ediləcək.

- Sənan bəy, uğurunuzu nədə görürsünüz?

- Elə bu dərsliyin müəllifi olmaq mənim üçün böyük uğurdur. Bundan əlavə bu yaşda universitetdə dərs demək, çoxlu tələbələri olmaq, bir çox tələbələrin sevimli müəllimi olmaq, universitetə müəllim-tələbə münasibətlərində yeni çalar və münasibət gətirmək özü elə uğurdur.

Sədan Bünyadova
Foto: Nüsrət Abdullayev
www.oxu.az

Xəbərlər Arxivi » Ən Son Xəbərlər
Tarixin ən çox gəlir gətirən cizgi filmi açıqlandı - FOTO  

Tarixin ən çox gəlir gətirən cizgi filmi açıqlandı - FOTO

Tarixin ən çox gəlir gətirən cizgi filmi açıqlandı - FOTO
Astarada psixotrop maddə satan həmkəndlilər iş başında tutuldu - FOTO  

Astarada psixotrop maddə satan həmkəndlilər iş başında tutuldu - FOTO

Astarada psixotrop maddə satan həmkəndlilər iş başında tutuldu - FOTO
Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi  

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi
Tovuzda qızın vəhşicəsinə öldürülməsi: Hədəf qohumları göstərilir - ÖZƏL  

Tovuzda qızın vəhşicəsinə öldürülməsi: Hədəf qohumları göstərilir - ÖZƏL

Tovuzda qızın vəhşicəsinə öldürülməsi: Hədəf qohumları göstərilir - ÖZƏL
İran parlamenti ABŞ ordusunu terror təşkilatı kimi tanıdı  

İran parlamenti ABŞ ordusunu terror təşkilatı kimi tanıdı

İran parlamenti ABŞ ordusunu terror təşkilatı kimi tanıdı
Süleymani son mənzilə yola salınır - VİDEO  

Süleymani son mənzilə yola salınır - VİDEO

Süleymani son mənzilə yola salınır - VİDEO
İranın BMT-dəki nümayəndəsi: Ayətullahın müqəddəs əmri var, nüvə silahı...  

İranın BMT-dəki nümayəndəsi: Ayətullahın müqəddəs əmri var, nüvə silahı...

İranın BMT-dəki nümayəndəsi: Ayətullahın müqəddəs əmri var, nüvə silahı...
Fəhlələr ölümdən son anda xilas oldu - VİDEO  

Fəhlələr ölümdən son anda xilas oldu - VİDEO

Fəhlələr ölümdən son anda xilas oldu - VİDEO
Pentaqon Yaxın Şərqə əlavə hərbçi və bombardmançı təyyarələr göndərir  

Pentaqon Yaxın Şərqə əlavə hərbçi və bombardmançı təyyarələr göndərir

Pentaqon Yaxın Şərqə əlavə hərbçi və bombardmançı təyyarələr göndərir
Tofiq Musayev: Artıq mənə UFC-dən təkliflər var - FOTO  

Tofiq Musayev: Artıq mənə UFC-dən təkliflər var - FOTO

Tofiq Musayev: Artıq mənə UFC-dən təkliflər var - FOTO
Baş Sehife
MobTop.az