edit.az
Namaz vaxtları...
    

Xəstələnmək namazı tərk etmək üçün üzr sayıla bilməz

Yerleşdirdi: *Beyaz_Gul*(02.04.2013 / 19:59)
Oxunmuş: 626 | | Like: 0

Sual: Xəstələnən insanlardan bir çoxu namaz məsələsinə laqeyd münasibət göstərib: “Yaxşılaşandan sonra namazların qəzasını qılaram”deyə söyləyirlər. Bəziləri isə: “Dəstəmaz almağa və nəcasətdən uzaq durmağa gücün çatmadığı halda necə namaz qılım axı?” deyirlər. Bu cür düşünən insanlara nə nəsihət edirsiniz?

Cavab: Nə qədər ki, insanın ağlı-şüuru yerindədir, dəstəmaz ala bilmədiyini üzr olaraq irəli sürən şəxs üçün xəstəlik belə vəziyyətdə onun namaz qılmasına maneə təşkil etmir. Əksinə xəstə gücü çatdığı qədər namazını qılmalı və imkan varsa su ilə dəstəmaz alması lazımdır. Sudan istifadə etməyə imkanı yoxdursa təyəmmüm alıb namazını qılır. Namaz qılmamışdan öncə bədəninə və yaxud paltarına bulaşan nəcasət varsa bunu təmizləməli və yaxud təmiz bir paltar geyməlidir. Əgər bunu etməyə imkanı yoxdursa artıq bu halda onun üzərindən məsuliyyət düşür və həmin vəziyyətində də namazını qılır. Çünki Allah Təala bu xüsusda belə buyurur:

فَاتَّقُوا اللَّهَ مَا اسْتَطَعْتُمْ

“ (Ey möminlər)! Allahdan bacardığınız qədər qorxun.” [Təğabun 16]

Peyğəmbər (Ona Allahın salavatı və salamı olsun) bu xüsusda belə demişdir:

“Sizə bir şeyi əmr etdiyimdə bunu gücünüz çatan qədər yerinə yetirin.” Buxari və Müslim

İmran bin Hüseyn (Allah ondan razı olsun) xəstəliyindən şikayət etdiyində Peyğəmbər (Ona Allahın salavatı və salamı olsun) belə demişdir:

“Namazını ayaqüstə qıl, Ayaqüstə namaz qılmağa gücün çatmırsa, oturub qıl. Əgər oturub namaz qılmağa da gücün çatmırsa, bu halda yan tərəfin üstə namaz qıl.” Buxari

Nəsainin rəvayətində isə əlavə olaraq deyilir:

“Yan tərəfin üstə namaz qılmağa gücün çatmırsa, belin üstə uzanaraq namaz qıl.” Nəsai (Səhih bir sənədlə rəvayət etmişdir)



Əbdüləziz ibn Abdullah ibn Bəzz

Ads
loading...
Fikirler:
Kitabxana »
Allahın sevgisinə səbəb olan əməl
Müsəlmanların hicri qəməri təqvimi necə yaranmışdır?
Fatimə təsbihatı
NECƏ DUA ETMƏLİ? DUA - AYƏ VƏ HƏDISLƏRDƏ (I hissə)
NİYƏ ALLAH BƏZİ ƏMƏLLƏRİN ƏVƏZİNİ BU DÜNYADA DEYİL, AXİRƏTDƏ VERƏCƏK?
ORUC MƏDƏNIYYƏTI
Dinsiz əxlaq ola bilərmi ?
Borcu ödədikdə üstündə hədiyyə vermək
Seyid Həsən Müdərris
Hacı Mirzə Mehdi Cahanşahi
Baş Sehife
MobTop.az