edit.az
Kitabxana - En Maraqlı melumatlar
    

QƏZƏL

Yerleşdirdi: *Beyaz_Gul*(01.04.2013 / 19:37)
Oxunmuş: 834 | | Like: 1

Nə qədər eşqimiz , ey gül , belə pünhan olacaq ,
Aşikar eyləməyincə ürəyim qan olacaq ?

Nə qədər gül üzünün həsrətin aşiq çəksin ,
Nə zaman vəslinə bəs yetməyə imkan olacaq ?

Bəs haçan rəhm edəcək bülbülü - biçarəyə gül
Nə qədər bəs o fəğirin işi əfğan olacaq ?

Eşqdən başqa nə dərd olsa yenə çarəsi var ,
Ayrılıq dərdinə , bilməm necə dərman olacaq ?

Öz xoşumla o qarə zülfə əsir oldum özüm ,
Bilmədim , xatirim eşqində pərişan olacaq .

Sən götürt məscidi zahid , bizə meyxanəni ver ,
Kim bu işdə görək axırda peşiman olacaq ?

Hələ Vahid , meyə meyl eyləmə , qoy gəlsin o gül ,
Yarsız yerdə mey içmək bizə nöqsan olacaq .

Fikirler:
Kitabxana »
"Gəlir nəsimi - behişt aşikarə zülfündən"
" Gedir qoy getsin " qəzəli
"Pərvanə kimi yandı könül narə desinlər"
" Varsa " qəzəli
"Çıxarıb"
"Raziyam"
"Qələm"
"Qeys, cox dad etmə ki, Məcnun edib Leyla məni"
" Bütün gecəni " qəzəli
" Hər gülşənin Allah güli-rənasını versin " qəzəli
Baş Sehife
MobTop.az