edit.az
Etiraflar - Sizin En Maraqlı Etiraflarınız
    

" Yandırsın " qəzəli

Yerleşdirdi: *_*M_O_N_I_K_A*_*(26.03.2013 / 18:21)
Oxunmuş: 576 | | Like: 0

Od tutub canda görüm, qəm dayağın yandırsın,
Gəlməsin, gəlsə də qoy eşq ayağın yandırsın.

Yazısından fələyin, tövbə, başım çıxmır heç,
Qələmin sındırıb Allah, varağın yandırsın.

İzləsin qəbrəcən hicran məni, bir şey çıxmaz
Özünü qoy günə versin papağın yandırsın.

Sönməyə canda məhəbbət odu kaş heç vaxtı,
Sönsə də şayəd, onun Haqq ocağın yandırsın.

Qoymasın kök ata həsrət ağacı könlümdə,
Doğrasın səbrim onu, qol-budağın yandırsın.

Bezdi Yasin bu qaranlıqda ömür sürməkdən,
Qapı açsın ona Allah çırağın yandırsın.

Ads
loading...
Fikirler:
Kitabxana »
" Döşənib gözlərimdə dar küçəniz " qəzəli
" Bir sən yoxsan " qəzəli
" Sığışmaz " qəzəli
Baş Sehife
MobTop.az