edit.az
Kitabxana - En Maraqlı melumatlar
    

Oğru olmaq istəyirəm

Yerleşdirdi: *_*M_O_N_I_K_A*_*(25.03.2013 / 15:54)
Oxunmuş: 1051 | | Like: 0

Qoy milislər eşitməsin ,
Qorxulu bir sirr deyirəm :
Çoxdandır ki bir arzum var ,
Oğru olmaq istəyirəm !…
İnsanların arasından
Əqidəsiz adamları ,
Vicdanını pula satan
Nadanları
Oğurlamaq istəyirəm !
Bu torpağın gündən – günə ,
Niyə artır dərdi – səri …
Dövlətlərin arasından
Sərhədləri
Oğurlamaq istəyirəm !
Axı , nə iş görmüşəm ki ,
Oğurluq da işdi barı .
Mən anamın sifətinə
Vaxtsız düşmüş qırışları
Oğurlamaq istəyirəm !…
Birisini yıxmaq üçün
İkisinin ülfətini ,
İnsanların ürəyindən
Hər kinini , nifrətini ,
Ondan buna satanları ,
İki sevən arasında
O üçüncü adamları
Oğurlamaq istəyirəm !
Araz axır …
O taydan da insan baxır ,
Bu taydan da insan baxır ,
Neçə milyon gözüyaşlı əzizimi ,
O həsrətli Təbrizimi
Oğurlamaq istəyirəm !
İndi neçə dövlətlərdən
Məzlumların ah – zarını ,
Yad torpaqda yatıb qalan ,
Əsrlərin arxasından
Qollarını çatıb qalan
Kərbəladan Fizulinin ,
Hələbdənsə Nəsiminin
Məzarını
Oğurlamaq istəyirəm .
Nə gizlədək ,
Bilir hamı
Tonqal çatıb yandırırlar
Bu cahanı .
Qəlbim deyir :
Bir Azəri məsəlini
yadına sal:
<< Oğrudan oğruya halal !… >>
Prometey oğurlayıb
İnsanlara verən odu
Oğurlamaq istəyirəm !
Lap qəzəbi tutsa belə
Yerin mənə , göyün mənə
Nə deyirsiz deyin mənə
Oğru olmaq istəyirəm !!!

Ads
loading...
Fikirler:
Kitabxana »
Nəriman Həsənzadənin sevgi şeirləri
SEN DEME TEZEDEN SEVMEK OLARMIS
Unuda bilməyəcəksən
Sevenler oxusun,Sevmeyenler yox
Sağlığında qiymət verin insanlara!
Sənin ad günün
Deli bir aglamaq kecir konlumden
Gorurdum bugunu...
Sevmek
Darıxmışam
Baş Sehife
MobTop.az