edit.az
Etiraflar - Sizin En Maraqlı Etiraflarınız
    

Uşaqlarınızı döyərkən hansı xəstəliklər yaratdığınızı bilirsiz?

Yerleşdirdi: *_*M_O_N_I_K_A*_*(26.11.2012 / 18:55)
Oxunmuş: 2077 | | Like: 0

Əgər uşaq döyülərsə, gələcəkdə onda xərçəng, ürək və astma xəstəliklərinin inkişaf edəcəyi istisna edilmir. Böyük Britaniyanın Plimut Universitetinin bir qrup alimi bu fikirdədir. Bu barədə Trend Britaniyanın "Teleqraf" qəzetinə istinadən yazır.

Ekspertlərin fikrincə, fiziki təsir və ya qışqırmaq nəticəsində yaranan güclü stress uşağı xəstəliklərə meylli edə bilər. Həmçinin uşaqlıqda fiziki və ya seksual zorakılığa məruz qalmağın xroniki xəstəliklərə səbəb olduğunu güman etməyə əsas var.


Ekspertlər Səudiyyə Ərəbistanında sağlamlığından şikayəti olmayan 250 nəfər yaşlı şəxs arasında sorğu aparıblar. Alimlər onların uşaqlıq illəri ilə maraqlanıblar. Habelə 150 ürək, 150 xərçəng və 150 astma xəstəsi arasında da sorğu aparılıb.

Tədqiqatçılar könüllülərin uşaq yaşlarında nə qədər tez-tez döyülmələri və ya təhqir olunmaları ilə maraqlanıblar. Məlum olub ki, xərçəng xəstəsi olan şəxs uşaqlıqda 70 faiz daha çox zorakılığa məruz qalıb. Ürək xəstəlikləri bu ehtimalın 30 faiz artımına, astma isə 60 faiz uyğun gəlir.

Universitetin Psixologiya məktəbinin professoru Maykl Hiland əmindir ki, gənc yaşda alınan belə travmalar insanın həyatında həmişəlik iz qoyur. Beləliklə, tədqiqat döyməyin tərbiyə metodu kimi işə yaramadığını göstərir.

Ads
loading...
Fikirler:
Kitabxana »
Uşağınızı əmizdirərkən və yemək yedizdirərkən nə etməli?
Körpənizi öpməyi özünüzə və yaxınlarınıza qadağan edin!
Uşaqları xəstəlikdən qorumaq yolları
Uşaqda yuxuya getmək probleminin həlli yolları (araşdırma)
Baş Sehife
MobTop.az