edit.az
Foto Albom - Sizden Gelen-Paylaşılan Şekiller
    

Leyla Əliyeva: "Dostum, yaxşı ki, varsan..."

Leyla Əliyeva: "Dostum, yaxşı ki, varsan..."
Yerleşdirdi: Aziza(29.04.2015 / 10:47)
Oxunmuş: 1155 | | Like: 0

Heydər Əliyev Fondunun vitse-prezidenti Leyla Əliyevanın növbəti şeirinin təqdim edib. "Dostum, yaxşı ki, varsan...” adlı şeiri oxucuların ixtiyarına veririk.

Dostum, sən bir atəşsən
sanki heç dayanmadan
yanaraq od saçırsan.
Bir iti baxışınla
yandırırsan, yaxırsan...
Girirsən qəlbimizə
hökmünə ram edirsən.

Gücünü, qüdrətini,
qadir olduqlarını
yaxşı bilirsən, dostum;
Həyat oyunlarında
Həmişə qazanmağın
ən mahir ustasısan...
Naxşı gətirən dostum...

Hərçənd ki, hər ürəyə,
ruha da acıyırsan;
Gecəni qaranlıqdan
hifz edib, qoruyursan...
Bizim kimi yaşamaq
sənə uzaqdır, əlbət;
Bizsə sənin tək, dostum,
ola bilmərik, fəqət...

Bəzən elə bilirəm,
cadügərsən, falçısan.
Qəlbdəki diləkləri
əzbərdən deyən falçı...
Zalımlığı, pisliyi
rüzgarlarla sovuran
Ürəyini saflığa,
xeyirxahlığa açan...

Hamını pisliklərdən,
zülmlərdən qorumaq... –
Görəsən sənin buna
ixtiyarın çatırmı?
Xeyirxahlıqdan qılınc
düzəltməyin nahaqdır...
Qılınclasa asandır:
Sadəcə boyun vurmaq..!

Hərdən düşünürəm ki,
sən cadügər qadınsan.
Səni qınamağasa
ixtiyarım çatmayır.
Çünki zalımlığını
öz içindən qovmusan
xeyirxah mələklərlə
dostluq qurmağın üçün...

Bax, sərgərdan olmusan –
nə yerdə, nə göydəsən...
Buna görə qəmlisən?
buna görə gözlərin
işıq saçır, nikbinsən.!?

Ey dost, səni həyatda
anlayıb, duymasam da,
Səninlə həyatıma
davama "yox!” desəm də...
Hər gün, hər axşam çağı,
adın gəlir dilimə.
Göylərə üz tutaraq,
sənə dua edirəm –
"Dostum, yaxşı ki, varsan!” –
Tanrımıza şükürlər..!

Ruscadan çevirəni: Mahir Qabiloğlu

Ads
loading...
Fikirler:
Kitabxana »
Sene Sheir Yazacam...
Yandır məktublarımı - Xəyanət haqqında şeir
GERIDE KALDIN SEN
Artiq Gecdi((
Unudacagam
Donmerem Daha...
Sen Xowbext,men Xowbext,gel Deyib-gulek...
Unutdu Meni....
Senden Sonra ...
Xeyanet...
Baş Sehife
MobTop.az