edit.az
Etiraflar - Sizin En Maraqlı Etiraflarınız
    

Qəmkeş Allahverdi

Yerleşdirdi: *_*M_O_N_I_K_A*_*(27.01.2013 / 14:18)
Oxunmuş: 1881 | | Like: 0

Qəmkeş Allahverdi - Aşıq Şəmşir adına Mədəniyyət evi və "Xalq aşıqlar" ansanblının rəhbəri vəzifəsində çalışmışdır.

Allahverdi Əli oğlu Allahverdiyev (Qəmkeş Allahverdi) 1933-cü ildə Kəlbəcər rayonunun Şapılar kəndində dünyaya göz açıb. Söz-sənət adamı olan atası Əli kişinin el-obada böyük hörmət və nüfuzu vardı. Allahverdi 1955-ci ildə Şuşa Pedaqoji Texnikumuna qəbul olunur. O, bir il sonra Moskvada keçirilən Azərbaycan incəsənəti festivalında çıxış edir. Festivalın laureatı olan Allahverdini geri qayıdanda pis qarşılayırlar, daha doğrusu, texnikumun direktoru Armen Xaçaturyan azərbaycanlı tələbənin bu qələbəsini həzm edə bilmir. İş, canlı-cüssəli Allahverdinin Xaçaturyanı döyməsi ilə nəticələnir. Və gələcəyin məşhur aşığı bununla da texnikumu tərk etməli olur. Atası Əli kişi ətraf bölgələrin tanınmış aşıqları ilə dostluq edirdi. Oğluna yaxşı saz bağlatdırır, əvvəlcə onu aşıq Şəmşirin, sonra da aşıq Ələsgərin yetirməsi aşıq Ağayarın yanına şagirdliyə qoyur. Allahverdi o günlərdən öz ustadları ilə toylara getməyə, söz-sənət meydanında püxtələşməyə başlayır. Tezliklə Qəmkeş Allahverdi adı ilə tanınan aşığın sorağı Dağıstan, Gürcüstan və Orta Asiya respublikalarından gəlir. O vaxtlar Təbrizdən dəvət alsa da, gedə bilmir. 1993-cü ilin aprelində Qəmkeş Allahverdi bütün Kəlbəcərlə birgə cənnət yurd-yuvasından didərgin düşəndən sonra təbrizli aşıqlar Gəncəyə - məşhur aşığın ziyarətinə gəldilər. Sonralar Qəmkeş Allahverdi VI Ümumdünya, neçə-neçə Ümumittifaq festivallarının qalibi, Aşıqlar Birliyinin üzvü kimi III-IV-V Aşıqlar Qurultayının iştirakçısı olur, iki şeir kitabı çap olunur. Əlbəttə, bütün bu sadaladıqlarım məşhur aşığın zəngin ömrünün bəzi məqamlarıdır.

Fikirler:
Kitabxana »
Burzum
Müslüm Maqomayev (bəstəkar)
Bilal Əliyev
Qabriel Fore
Kevin Conas
Soltan Hacıbəyov
Aygün Kazımova
Con Lennon
Sevda Ələkbərzadə
Səltənət Quliyeva
Baş Sehife
MobTop.az