edit.az
Namaz vaxtları...
    

Vaqif Abbasov

Yerleşdirdi: *_*M_O_N_I_K_A*_*(19.01.2013 / 14:55)
Oxunmuş: 1160 | | Like: 0

Vaqif Abbasov - Azərbaycan Milli Elmlər Akademiyasının müxbir üzvü.

Həyatı

Vaqif Abbasov 1952-ci il oktyabrın 5-də anadan olub. 1973-cü ildə Azərbaycan Dövlət Pedaqoji İnstitutunun kimya fakültəsini bitirib. 1973-1978-ci illərdə Azərbaycan Milli Elmlər Akademiyasının akademik Y.H.Məmmədəliyev adına Neft-Kimya Prosesləri İnstitutunun aspiranturasında oxuyub. Elmlər namizədi adını alıb. 1991-ci ildə doktorluq dissertasiyasını müdafiə edib. 1992-ci ildə professor adını alıb. 1978-1981-ci illərdə Azərbaycan Milli Elmlər Akademiyasının akademik Y.H.Məmmədəliyev adına Neft-Kimya Prosesləri İnstitutunda kiçik elmi işçi, 1981-1984-cü illərdə isə baş elmi işçi olub. 1984-cü ildən Neft-Kimya Prosesləri İnstitutunda laboratoriya rəhbəridir.
1992-1999-cu illərdə Təhsil Nazirliyində Vahid Elmi-Metodiki Şuranın kimya bölməsinin sədr müavini olub.
Hazırda Y.H.Məmmədəliyev adına Neft-Kimya Prosesləri İnstitutunda laboratoriya rəhbəri, TQDK nəzdində kimyadan ekspertin və seminarın sədri, Təhsil Nazirliyi nəzdində məktəblilərin kimya olimpiadasını keçirən münsiflər heyətinin sədri, Təhsil Nazirliyinin Elmi Metodik Şurasının "Kimya və kimya texnologiyası" bölməsinin sədri, Respublika Korroziya cəmiyyətinin vitse-prezidenti, "Kimya məktəbdə" jurnalının baş redaktoru, "Neft Kimyası və Neft Emalı prosesləri" jurnalının baş redaktorunun müavini, Bakı Dövlət Universitetinin professorudur. 2005-ci il noyabr ayının 4-də Azərbaycan Respublikası prezidentinin fərmanı ilə "Azərbaycanın əməkdar müəllimi" fəxri adına layiq görülüb, Azərbaycan Milli Elmlər Akademiyasının müxbir üzvüdür, 200 elmi əsərin, dərsliklərin, monoqrafiyaların müəllifidir.

Fikirler:
Kitabxana »
Lev Əsgərov
Məmməd Əkbər
Əjdər Ol
Məhəmmədəli Fərzanə
Faiq İsmayılov
Manaf Süleymanov
İlyas Tapdıq
Rəhim Əliyev
Əbülqasım Hüseynzadə
Akif Hüseynov
Baş Sehife
MobTop.az