edit.az
Kitabxana - En Maraqlı melumatlar
    

Tofiq Bayram - Qadin Ureyi

Yerleşdirdi: Akhundoff(19.11.2013 / 03:18)
Oxunmuş: 692 | | Like: 0

Necə rəhmlidir, necə amansız,
Necə mehribandır qadın ürəyi!
Sən onu sındırsan, bil ki, a qansız,
Ağlayan kamandır qadın ürəyi.

...Güldürsən, ömürlük səadətindir,
Söndürsən, yanmağı bir də çətindir.
O, əsl qayğının, məhəbbətindir,
Sevgisiz zindandır qadın ürəyi.

Daşı da əridər, daş da olar o,
Əriyib gözlərdə yaş da olar o.
Bahar da olar o, qış da olar o,
Damladır, ümmandır qadın ürəyi.

Onunla dünyadır sənə qəfəs də,
Onsuz heç yaşama bu torpaq üstə.
Sevən bir ürəyə axır nəfəsdə
Ən gözəl dərmandır qadın ürəyi.

Onu alçaldan da, ucaldan da biz,
Dərd verib, vədəsiz qocaldan da biz.
Qədrini biləndə bu cahanda biz,
Həmişə cavandır qadın ürəyi.

Bəzən gül tək solar acı bir sözdən,
Ağlayar xəlvəti, gülsə də üzdən.
Bəzən uşaq kimi bir ürəksizdən
Məhəbbət umandır qadın ürəyi.

Bir namərd əlindən zəhər içəndə,
Keçirər ömrünü o, yas içində.
Bəzən ən qiymətli libas içində,
Nalədir, fəğandır qadın ürəyi.

Sənsiz əl çəkərəm arzudan, kamdan,
Nə çıxar sevgisiz-sənsiz ilhamdan?
İncitsən, dözərəm, Tofiq Bayramdan
İncimə, amandır, qadın ürəyi!

Fikirler:
Kitabxana »
"Qorio Ata"
Söyüdlü Arx... 10-cu Bölüm
Men Qadinam...Men ümidem
iki oglani eyni anda idare ede bilerem oglum qucagimda sende yanimda
MARAQLIDI
Bagiwla meni...2
ne olar ölme sevgilim
Söyüdlü Arx... 5-ci Bölüm
Bir ressamin agilsizlignin sonu
QADİN DÜNYANİN EN ÜLVİ VARLĞDIIR..................
Baş Sehife
MobTop.az