edit.az
Pulsuz Yüklemeler Dünyası...
    

ZƏLİMXAN YAQUB - EY DÜNYA

Yerleşdirdi: Akhundoff(19.11.2013 / 02:43)
Oxunmuş: 591 | | Like: 0

Ey dünya, qovğadan açılmır başın,
Gündə bir savaşın,barışığın var.
Qocasan, cavansan, anlamaq olmur,
Alnında nə qədər qırışığın var.

Yüklədin ürəyə qəm üstən qəmi,
Qurumaq bilmədi gözlərin nəmi.
Adəmin buğdası qatıb aləmi,
Çox yerdə haramnan qarışığın var.

Açılmır insanın qanadı, qolu,
Yüzdən o tərəfə bağlanıb yolu.
Vaxt gəlib çatanda zəhərlə dolu
Hər insan ömrünə bir qaşığın var.

Düzlərin genişdi, dağların uca,
Qol çatmaz başabaş dünyanı quca.
Doymadım baxsam da yollar boyunca,
Maşallah, nə gözəl yaraşığın var.

Sevgin başımızın qızıl tacıdı,
Ruhların əbədi ehtiyacıdı.
Hər oğlun görkəmdə sərv ağacıdı,
Hər qızdan bir yaşıl sarmaşığın var.

Dəryalar qoynunda düşdüm üzməyə,
Vayda ağlamağa, toyda süzməyə.
Sənin dərdlərini sapa düzməyə,
Zəlimxan adında bir aşığın var.

Fikirler:
Kitabxana »
Hüseyn Arif - BİR ADDIM
NƏRİMAN HƏSƏNZADƏ - ZƏRRƏ
ƏLİ KƏRİM - Ölüm Sevinmə çox...
MƏMMƏD ARAZ - ÖLÜM YAXŞILIĞİ
QABİL - AXŞAM QƏRİBLİYİ
RAMİZ RÖVŞƏN
Baş Sehife
MobTop.az