edit.az
Namaz vaxtları...
    

Kontur plastikası – əsrarəngiz dəyişmə

Yerleşdirdi: *_*M_O_N_I_K_A*_*(23.12.2012 / 13:32)
Oxunmuş: 2514 | | Like: 0

Kontur plastikası haqlı olaraq bizə ani şəkildə, az qala dəqiqələr ərzində gənclik və gözəlliyimizi geri qaytarmaq kimi unikal imkan yaradan müasir kosmetologiyanın qüruru hesab edilir.

Kontur plastikası – dərialtı iynələrin köməyi ilə mimik qırışların aradan qaldırılması, üzün zaman keçdikcə itən dəqiq konturlarının və dodaqların forma və həcminin bərpa edilməsindən ibarət kompleks prosedurlardır. Bu prosedurların köməyi ilə yaşla bağlı dəyişikliklər – burun-dodaq qırışları, göz ətrafında həlqələr və mimik qatlar hamarlaşır, dəri dartılır, üz isə daha cavan və təravətli təsir bağışlayır. İynə vurulması zamanı effektiv və təhlükəsiz olan preparatlardan – qialuron turşusundan hazırlanmış müxtəlif gellərdən istifadə olunur.

Qialuron turşusu insan dərisinin təbii komponentlərindən biridir.
Bu preparat dəriyə yeridilərkən o toxumalara sanki əlavə həcm verir və bu səbəbdən dəridəki qırışlar və büküklər hamarlaşmış olur. İynə vurulduqdan sonra bu preparatlar öz ətraflarında suyu tutub saxlayır və bu vəziyyət aylarla dəyişməz qalır. Bu zaman həmçinin dərinin elastikliyi bərpa olunur, metabolizm sürətlənir, dərinin toxumalarının nəfəs alması normallaşır.

Üzan konturlarının fillerlərlə dəyişdirilməsi cərrahi əməliyyat deyil, kosmetoloji prosedurdur. Bu zaman xərcləri xeyli az olan kontur plastikası cavanlaşdırma effektinə görə plastik cərrahiyyə ilə bir sırada dayanır. Bu prosedurların keçirilməsi zamanı həkimdə böyük estetik zövq və həqiqi rəssam ruhu olmalıdır.

Dodağın qialuron turşusu (silikon) vasitəsi ilə böyüdülməsi gənc qızlar arasında daha populyardır. İşthlı iri dodaqlar gənc qızların daha həssas olması anlamına gətirir ki, bu da onlar üçün çox vacibdir. Lakin istənilən halda söhbət nazik dodaqların korreksiyasından gedəndə vəziyyət başa düşüləndir – onları böyüt, qurtarsın getsin.

Lakin yaşlı qadınlar üçün dodaqların qalınlaşdırılması ilə iş bitmir, buraya yaşla bağlı dəyişikliklər sahəsində, məsələn, burun-dodaq qırışlarının korreksiyası və qaldırılması kimi prosedurlar da əlavə edilməlidir. Yaşla bağlı orqanizmdə maddələr mübadiləsinin yavaşıması səbəbli dəri öz elastikliyini itirir, nəticədə qırışlar əmələ gəlir, burun və dodaq ətrafında izlər daha aydın nəzərə çarpır. Dodaqlar nazik və solğun olur, ağız kənarları sallaqlaşır, qırışlar daha aydın nəzərə çarpır – bu mənzərə isə qadını daha qayğılı və qaraqabaq göstərir. Bu görünüş təkcə işdə deyil, şəxsi həyatda da problemlər yaradır.

Ads
loading...
Fikirler:
Kitabxana »
Yaşa görə qırışların yaranmasını necə gecikdirmək olar?
Qadın və Kişi
Gözəl və qüsursuz hamarlıq naminə
BIR QADIN NECƏ ƏLDƏ OLUNA BİLƏR?
"Arvadı pis kişinin saqqalı tez ağarar"
Özümüzü necə gözəlləşdirə bilərik?
Ərə getməmək üçün 9 səbəb
Cib telefonu qadınlarda sümük ərimesi yaradır
6 yaşlı qızı 43 yaşlı kişiyə ərə vermək istədilər
Qadınlar daha çox yaşayır.
Baş Sehife
MobTop.az