edit.az
Namaz vaxtları...
    
| | | | | | | | | | | | | |

Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO

“Qarşıma qoyduğum məqsədə çatmalı idim”.

Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO
22.01.2015 / 19:45

Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO

“Qarşıma qoyduğum məqsədə çatmalı idim”.

oxuazın “Uğurun tarixi” layihəsinin növbəti qonağı azərbaycanlı gənclərin Azərbaycan Böyük Britaniya Məzunları İctimai Birliyinin (AUKAA) Sədr müavini Tural Məhərrəmovdur.

- AUKAA yeni ildən maraqlı bir layihəyə start verib: “London forumu”.

- Bəli, London kimi böyük şəhərdə tədbir keçirmək asan deyil. Lakin məqsədimiz uğurlu bir forum keçirməkdir. Bu forum AUKAA-nın xaricdə təşkil edəcəyi ilk forumudur və biz də düşündük ki, mövzu məhz Qarabağa həsr olunmalıdır. Ona görə də, Azərbaycan Respublikası Prezidenti yanında Gənclər Fondunun dəstəyi ilə “Qarabağ: Gələcəyə Baxışımız” adlı layihəni elmi forum formatında Londonda həyata keçirəcəyik. “London forumu” bu il üçün hələ bir başlanğıcdır. Əminəm ki, qarşıda daha çox bir neçə uğurlu layihələrimiz də olacaqdır.

- Tural, siz hansı universitetin məzunusunuz?

- Mən bakalavr təhsilimi 2009-2013-cü illər ərzində Milli Aviasiya Akademiyasında “Ekologiya Mühəndisliyi” ixtisası üzrə almışam. Üçüncü kursda ixtisaslaşma seçimi oldu və mən də “Aerokosmik monitorinq” sahəsinə böyük marağım olduğu üçün bu sahə üzrə öz seçimimi etdim. Onu qeyd etmək istərdim ki, bu sahə təbiətdə təbii və antropogen təsirlər tərəfindən yaranan problemlərin əvvəlcədən qiymətləndirilməsində və bu problemlərin aradan qaldırılmasında müasir elm və tətbiq sahələrindən biridir. İnanıram ki, növbəti illərdə Azərbaycan özünün məsafədən zondlama peykinə sahib olduqdan sonra ölkəmizdə də bu sahə daha da inkişaf edəcəkdir.

Şükürlər olsun ki, 2013-cü ildə Milli Aviasiya Akademiyasını fərqlənmə diplomu ilə bitirdim və daha sonra 2013-2014-cü illər ərzində SOCAR-ın Xarici Təqaüd Proqramı vasitəsi ilə İngiltərənin Nottingem Universitetində “Ətraf mühit mühəndisliyi” üzrə magistr təhsilimi davam etdirdim. 

- Onda Azərbaycana yeni qayıtmısınız...

- Bəli, mən Azərbaycana sentyabr ayında geri dönmüşəm və hal-hazırda SOCAR-ın Ekologiya İdarəsində mühəndis vəzifəsində çalışıram. Bundan əlavə “Aerokosmik Monitorinq” ixtisası üzrə Milli Aviasiya Akademiyasında ikinci magistratura təhsili alıram. Bildirmək istərdim ki, mən eyni ildə həm Azərbaycanda, həm də İngiltərədə magistraturaya daxil olmuşdum. İngiltərədə təhsilimi davam etdirmək üçün Milli Aviasiya Akademiyasının rəhbərliyinə 1 illik akademik məzuniyyət verilməsi üçün xahiş etdim.

Çox sağ olsunlar ki, akademiyanın rəhbərliyi mənim bu fikrimə müsbət cavab verdi. İngiltərədən qayıtdıqdan sonra isə buradakı magistratura təhsilimə başladım və hazırda “Aerokosmik Monitorinq” sahəsini daha ətraflı öyrənirəm. Əsasən “Ətraf Mühit Mühəndisliyi” ixtisasından əlavə aerokosmik sahəni öyrənməkdə məqsədim, qazandığım bilik və təcrübələri SOCAR-da lazım olan məsələlərdə tətbiq etməkdir. Milli Aviasiya Akademiyasının magistral qaz kəmərlərində sızmaların aerokosmik üsullarla tədqiqi üzrə SOCAR-lə birgə yeni layihəsi var. Buna görə də layihədə iştirak edən müəllimlərimdən xahiş etmişəm ki, bu layihəyə məni də təcrübəçi kimi qəbul etsinlər.

SOCAR-dakı işimə gəldikdə isə hazırda Qaradağ rayonunda BP ilə birgə Tullantıların İdarə Edilməsi Mərkəzi tikilir. Bildirmək istərdim ki, bu, çox böyük bir layihədir və qarşıdakı illərdə bu haqda eşidəcəksiniz. Bizim departament də hazırda bu layihə üzərində işləyir.

- Gəlin, İngiltərədəki həyatınızdan danışaq...

- Ümumiyyətlə, mən İngiltərədə adaptasiya problemi yaşamadım. Lakin, onu da vurğulamaq istərdim ki, orada təhsil sistemi fərqli olduğundan ilk aylar dərslər mənə bir qədər çətin gəldi. Çünki əvvəldə dediyim kimi mən həm ekologiya fənləri, həm də aerokosmik fənlər üzrə təhsil almışdım. Orada isə sırf su, hava və torpaqda yaranan çirklənmələri aradan qaldırmaq üçün qurğuların praktiki cəhətdən dizayn edilməsi üzrə fənlər üstünlük təşkil edirdi. Həmçinin qısa müddət ərzində çoxlu material oxuyub və kurs işlərini vaxtında çatdırmaq bir az gərginlik yaradırdı. Nəzərinizə çatdırım ki, mən ilk dəfə olaraq Nottingem Universitetində bir semestr ərzində 14 kurs işini təhvil vermişəm. Amma onu da bildirim ki, Nottingemdə təhsil almaq və yaşamaq mənim üçün çox xoş idi. Çünki Robin Qudun şəhəri olan Nottinqamın yamyaşıl təbiəti çox gözəl və ən əsası insanları isə çox mədənidir.

- Orada hansı fənlər Sizə daha maraqlı olub?

- Ümumiyyətlə, hər bir fənn ətraf mühit mühəndisliyi ixtisası üzrə çox vacib  idi. Lakin mənim üçün əsasən “İş prosesində risklərin analizi” və “Sürətləndirilmiş dizayn təlimi” fənləri daha maraqlı olub. Həmişə istəmişəm ki, mühəndislik ilə biznes sahəsini birləşdirib öz işimi qurum. Buna görə də “İş prosesində risklərin analizi” fənnini əlavə fənn olaraq seçmişdim və nəticədə biznesin qurulması və idarə olunması ilə bağlı maraqlı məqamları öyrənmiş oldum. Çünki ingilislər mühəndislik işlərində təhlükəsizlik qaydalarından əlavə, həmişə maliyyə məsələlərinə də daha çox fikir verirlər. “Sürətləndirilmiş dizayn təlimi” fənninə gəldikdə isə bu fənn vasitəsi ilə təmizləmə qurğularını dizayn etmək üçün çox təcrübə qazandım. Çünki kurs işlərini yerinə yetirmək üçün bizi daima istehsalat təcrübələrinə aparırdılar və bu da bizim praktiki cəhətdən daha çox məlumat əldə etməyimizə kömək olurdu.

- İngilis dostlarınız vardı?

- Bəli, mən İngiltərədə cüdo ilə məşğul idim və ingilis dostlarımın çoxusu ilə də cüdo təlimlərində tanış olmuşam. Deyirlər ingilislər soyuq insanlardır. Lakin onlar heç vaxt mənə qarşı soyuq münasibətdə olmayıblar, əksinə həmişə məni doğum günləri və yə əyləncə gecələrinə dəvət edirdilər. Bildirmək istəyirəm ki, mən Azərbaycanda da cüdo ilə məşğul olmuşam. Lakin çox təəssüf cüdo ilə daha kiçik yaşlarımdan məşğul ola bilməmişdim. Çünki valideynlərim məni musiqi məktəbində tar sinfinə yazdırmışdılar. Amma mənim gitaraya daha çox həvəsim var idi. 5 illik musiqi təhsilini bitirdikdən sonra nəhayət, cüdo ilə intensiv məşğul olmağa başladım. Tar ilə məşğul olduğum üçün heç də peşman deyiləm, əksinə çox xoşbəxtəm ki, milli musiqi alətimiz olan tarda ifa etməyi öyrənmişəm. Buna görə də bəzən sevdiyim musiqiləri özüm üçün ifa edirəm.

Həmişə çalışmışam ki, eyni vaxtda bir neçə işi keyfiyyətlə yerinə yetirim. Ona görə də dahi şairimiz Nizaminin “Kamil bir palançı olsa da insan, yaxşıdır yarımçıq papaqçılıqdan” kəlamı hər zaman qulağımda səslənib.

- Tural, təhsili deyil, idmanı seçsəydiniz daha uğurlu ola biləcəyinizi düşünmüsünüzmü?

- Mən inanıram ki, cüdo ilə məşğul olmağı davam etdirsəydim daha böyük uğurlarım olardı. Çünki cüdo ilə məşğul olduğum müddətdə bir çox uğurlu nəticələrim də olub. Lakin idman elə bir sahədir ki, sənin uğurunu istənilən zaman başqa biri yeniləyə bilər. Yəni sən hər zaman güclü ola bilməzsən, təcrübələrdən də görmüşəm ki, axır-əvvəl biri gəlib səni üstələyəcək və nəticələrdə səni qabaqlayacaq. Həm də təhsilə daha çox üstünlük verdiyimdən, cüdoya təhsilə ayırdığım qədər vaxt ayıra bilmirdim.

İngiltərədə cüdo ilə məşğul olmağımın səbəbi də əvvəlki təcrübəmdən istifadə edərək Azərbaycanı idman sahəsində də təmsil etmək və yarışlarda qalib olub, bayrağımızı qaldırmaq idi. Çox xoşbəxtəm ki, bu məqsədimə çatdım və Nottingem şəhəri üzrə böyüklər arasında üçüncü yerə layiq görüldüm. 

Ümumiyyətlə, ora gedəndə ən vacib məqsədlərimdən biri “Azərbaycan Mədəniyyət Günü” tədbirini təşkil etmək idi və çətin olsa da dostlarımız ilə birlikdə buna nail olduq. Bildiyiniz kimi, İngiltərənin digər şəhərlərində, məsələn, Mançesterdə azərbaycanlı tələbələr çoxdur. Nottingemdə isə, mən təhsil aldığım müddətdə təxminən 12 nəfər azərbaycanlı tələbə var idi. Həmçinin belə bir tədbirin keçirilməsi üçün azərbaycanlı tələbələrin sayının az olması işimizi nisbətən çətinləşdirdi. Lakin qarşıma qoyduğum məqsədə çatmalı idim. Həmçinin istəyirdim ki, tədbir Novruz bayramı ərəfəsinə təsadüf etsin ki, xarici tələbələrə milli şirniyyatlarımızı təqdim edək və onlara Azərbaycanın idmanı, mədəniyyəti, tarixi və sürətlə gedən inkişafı haqqında məlumat verək. Şükürlər olsun ki, tədbirimiz çox gözəl keçdi və 200-ə yaxın xarici tələbə və müəllim heyəti tədbirə gəlib Azərbaycan haqqında məlumat əldə etdilər

- Söz uğurdan düşmüşkən, Sizin üçün uğur anlayışı nədir?

- Sualınıza cavab olaraq demək istəyirəm ki, uğur mənim üçün insanların güvənini qazanmaqdır və bu uğuru qazanmaq üçün də səbirli və dürüst olmaq şərtdir. Çünki, güvən qazanmaqla bir çox uğurlar əldə edə bilərsən. Lakin ən əsası insan ilk öncə öz-özünə güvənməlidir!

Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO_0
Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO_1
Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO_2
Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO_3
Tural Məhərrəmov: Uğur qazanmaq üçün səbirli və dürüst olmaq şərtdir - MÜSAHİBƏ + FOTO_4
Xəbərlər Arxivi » Ən Son Xəbərlər
Tarixin ən çox gəlir gətirən cizgi filmi açıqlandı - FOTO  

Tarixin ən çox gəlir gətirən cizgi filmi açıqlandı - FOTO

Tarixin ən çox gəlir gətirən cizgi filmi açıqlandı - FOTO
Astarada psixotrop maddə satan həmkəndlilər iş başında tutuldu - FOTO  

Astarada psixotrop maddə satan həmkəndlilər iş başında tutuldu - FOTO

Astarada psixotrop maddə satan həmkəndlilər iş başında tutuldu - FOTO
Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi  

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi

Pentaqon minlərlə hərbçisinə Yaxın Şərqdə əməliyyatlara hazır olmaq əmri verdi
Tovuzda qızın vəhşicəsinə öldürülməsi: Hədəf qohumları göstərilir - ÖZƏL  

Tovuzda qızın vəhşicəsinə öldürülməsi: Hədəf qohumları göstərilir - ÖZƏL

Tovuzda qızın vəhşicəsinə öldürülməsi: Hədəf qohumları göstərilir - ÖZƏL
İran parlamenti ABŞ ordusunu terror təşkilatı kimi tanıdı  

İran parlamenti ABŞ ordusunu terror təşkilatı kimi tanıdı

İran parlamenti ABŞ ordusunu terror təşkilatı kimi tanıdı
Süleymani son mənzilə yola salınır - VİDEO  

Süleymani son mənzilə yola salınır - VİDEO

Süleymani son mənzilə yola salınır - VİDEO
İranın BMT-dəki nümayəndəsi: Ayətullahın müqəddəs əmri var, nüvə silahı...  

İranın BMT-dəki nümayəndəsi: Ayətullahın müqəddəs əmri var, nüvə silahı...

İranın BMT-dəki nümayəndəsi: Ayətullahın müqəddəs əmri var, nüvə silahı...
Fəhlələr ölümdən son anda xilas oldu - VİDEO  

Fəhlələr ölümdən son anda xilas oldu - VİDEO

Fəhlələr ölümdən son anda xilas oldu - VİDEO
Pentaqon Yaxın Şərqə əlavə hərbçi və bombardmançı təyyarələr göndərir  

Pentaqon Yaxın Şərqə əlavə hərbçi və bombardmançı təyyarələr göndərir

Pentaqon Yaxın Şərqə əlavə hərbçi və bombardmançı təyyarələr göndərir
Tofiq Musayev: Artıq mənə UFC-dən təkliflər var - FOTO  

Tofiq Musayev: Artıq mənə UFC-dən təkliflər var - FOTO

Tofiq Musayev: Artıq mənə UFC-dən təkliflər var - FOTO
Baş Sehife
MobTop.az